[خيَّال الغلباء]

المشاركة الأصلية كتبت بواسطة حزم الجلاميد

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : لقد ذكر الشيخ الراوية / منديل بن محمد بن فهيد في كتابه من اّدابنا الشعبية هذه القصيدة للشاعر المطوع / ناصر العريني امام مسجد العلب من قرى الدرعية رحمه الله وأسكنه فسيح جناته ويقول فيها :

لا عاد يوم حل بالصدر رماع = تعرضت لي رابعة والروابيع
الذل شاع وجاء على الدرب قطاع = والسمت ضاع وطالت الردة سبيع
والشامري يمشي على الناس بالصاع= حتى القريني قام يادا الزراريع
والله محا المحذور فالحال وانصاع= ما غير من حمد الولي سبع اسابيع
زال الظلام وزالت ارماع من راع = والشمس شعشع نورها للمطاليع
واصبح حريب الدار وحصونه رفاع = وامسى جديد بناه ريع على ريع
وراع الوسيطى عن معالم هله ضاع= زين له المدحور واصبح له مطيع
حتى ايش لو ترمي مزايينه قناع= يظفي عليهن بالقريزي قنانيع
لعيون من متنه على المتن شراع= ينخون صبيان الظهيرة مع الريع
كم شيخ قوم حامل الزوم صعصاع= جوه السعود مطوعين الصعاصيع
قوم يعافون الطمع يوم الاطماع= واغلب طمعهم قطع روس المداريع
والمصطفى ما عاد ياطالهم قاع= يخشى على مصره وشيد مرابيع
وان ساق طابور تعشى به سباع= ويصرعه في مدهل الذيب تصريع
يا شيخ ياعز العرب ريف من جاع= يا اللي بمصطاه الضواري مرابيع
ابغي اتمم لي من القيل مصراع= هو قصدنا من باقيات المصاريع
لا تامن المشرك ترى دينه اطماع= واهل الدواير كبهم ما لهم بيع
خله ذليل دايم قاصر الباع = والى تعدى شرع السيف تشريع
تحت الرجال ومعاودينك بالاشناع= الشامري وجوالته والمفاقيع

منقول وأنتم سالمون وغانمون والسلام .

أخي الكريم / حزم الجلاميد السلام عليكم ورحمة الله وبركاته وبعد : شكرا جزيلا لك على هذه القصيدة الجميلة والتي تعبر عن نفسها لشاعر الدورية / ناصر العريني رحمه الله وأسكنه فسيح جناته إمام مسجد قرية العلب من ضواحي الدرعية جعلها الله في ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وإمتناني مقرونا بجزيل محتي وإحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .