|
رد: أنواع الحب
كُتب : [ 20 - 07 - 2009 ]
اقتباس:
المشاركة الأصلية كتبت بواسطة خيَّال الغلباء
حبٍ يشيّب صاحبه ما بَعَدْ شاب =وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب =وحبٍ يدوم وصاحبه في غيابه
وحب يذوّب خافقٍ ما بعد ذاب =وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب =وحبٍ يزيدك رغبةٍ في الكتابه
وحبٍ حياته كلّها لوم وِعْتاب =وحبٍ حقيقي ما يضرّك عتابه
وحبٍ بلا معنى وحبٍ بلا أسباب =يبدا غريب وينتهي في غرابه
وحبٍ ضعيفٍ مثل حبرٍ على كْتاب =تمحيه دمعه في ثواني كآبه
وحبٍ قويٍ مثل قصرٍ له أبواب =لو هبّ عاتيْ الريح ما اهتز بابه
وحبٍ بداية رحلته نظرة إعجاب =واّخر مطافه مثل يومٍ بدا به
وحبٍ يعيش بداخل قْلوب الأحباب =وحبٍ يشيع وكل حَيٍ درى به
وحبٍ مقامه في ضلوع الصَدِر طاب =وحبٍ يعدّي مثل مرّ السحابه
وحبٍ على قبره نعق بوم وغْراب =وحبٍ تغنّى به لحون الربابه
وحبٍ بمقدارٍ وحبٍ بلا احْساب =وحبٍ بمعروفٍ وحبٍ نهابه
وحبٍ يعيش أهله وسط داره أغراب =ويموت قهر ويندفن في ترابه
وحبٍ غدا سرّه سوالف للأجناب =وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب =وحبٍ يشيب صاحبه في شبابه
ابن براك جزاك الله خيرا ولا هنت |
مشكور وما قصرت ولا هنت
|