المعذرة يالمنتبة ونعم في بن عبود ونعم في بن باحص والسوالف المجيدة محفوظة بدلايل
و هذي الوقعة معروفة لدى اغلبية القبائل وفي الحقيقة يؤسفني تعمد الخطاء !
ومثل ماشاهدنا من اغلبية الاشخاص الذين يحاولون هدم التاريخ وتحريف فية وعكس الحقيقة!
وانتشرت هذه المداعبات من قبل المتطفلين عندما توفر لهم الكيبورد وتوفر لهم المواقع !
وقبيلة سبيع قبيلة عزيزة لكن اغاضني ماشهدة من قبلك لكن انت معذور !
العتب على مرجعك الذي افادك بهذة ((السالفة)) وعم التحقق من وزن الابيات التي ادمجت مع الرواية
وهذ سبب يؤدي الى تشوية قبيلة سبيع العريقة
وهذة افعال مضت مع اهلها الذين سكنو اللحود ونحمد الله على نعمت الاسلام
على العموم حبيت اشارككم في توضيح ماقرأت في صرحكم هذا والتوضيح وهو كتالي::
اولاً هي فخذين ضد قبيلة !!!
هذه وقعه بين الدواسر وقحطان معهم السوده من سبيع وقتل ا ميرهم ذلك اليوم واسمه شباب بن باحص وليس الفديع !
وحدثت الوقعه قبل فتح الرياض حيث نزل ال عبود من شيوخ ال مسعود من قحطان ومعهم السوده من سبيع علي الجفير بدون اذن ،
و منهم جعفر واخوه ذيب واخوه عمر ،ولقد شرب فنجال ذيب نهار العيد طليفح بن حزام المصروري الدوسري ، وانتهت المعركه بانتصار الدواســـــر
وقد قال الشاعر صحين بن حويزي الدوسري هذه القصيدة يسندها للشيخ محمد بن حفيظ الدوسري ويبشره بالنصر
/
ياراكب من فـوق سـت تعنّـى=
=من حميها تكسر عصي المواسير
تلفي لنا ابن حفيظ زبن المجنّـى=
=حامي اعقاب اقطيهن بالقناطيـر
ياليت مظهـوره يبـاري ظعنّـا=
=يوم التقينا بين عـذال وامشيـر
الطامـع الـي زارنـا ماتهـنّـا=
=خذنا جواده والسلف والمظاهيـر
وخيار ذوده صدرت فـي وطنّـا=
=من عقب ما ترعا خشوم الدعاثير
وعندما وصلت القصيدة للشيخ محمد بن حفيظ رد على الشاعر صحين بن حويزي المسعري بهذه القصيدة :
يامرحبـا باركـابـك الـلـي لفـنّـا=
=اعداد ماتـذري هبـوب المعاصيـر
يامرحـبـا ترحـيـبـة ماتـمـنـا=
=لامنـه بـدل رفقتـه قاطـع السيـر
ليـت الحمايـا يـوم جتنـا وحنّـا=
=بين( الجفير) وبين عـوج الدواويـر
والله أن يجيكم يـا جماعـة ظعنّـا=
=وخيـل تنـازي بالعيـال المناعيـر
حريبنـا لا شافـنـا جــظ مـنّـا=
=مثل الخريش اللي بلاها مـن الطيـر
ماقـومـه الا بالمـلاقـا طـعـنّـا=
=من فوق قب معسكـرات المساميـر
يا نفـدى اللـي يـوم غبنـا كفنّـا=
=سربة (اصخاف الشول) عند المعاشير
لا جرها( ابن قويـد )زبـن المجنّـا=
=يسهج خصيمه مثل سهج الطوابيـر
اصخاف الشول: عزوة المساعره
------------
شباب بن باحص
امير السوده من سبيع وقد قتل في المعركه وان دل فيدل على قوة عزيمته
ذبحه ماجد بن عايش الدموخ المساعره الدوسري
وقد قيلت كثير من القصائد
شباب شوق الي ثمانه مغاتير=
=.عليه طير ام علجان يتثنـى
هذه قصيده
قالها محمد بن برجس المصارير الدوسري ، وتخلد مافعله حزام بن شبنان
ابديت باسم ا للي ينشي المخايـل=
=الواحد اللي تسجد الخلق لرضـاه
يالله يامعطـي العطايـا الجزايـل=
=رب كريـم مغنـيـات عطـايـاه
ويـا الله ياعـدال ماكـان مايـل=
=ياعالـم ماكـان بالصـدر يكنـاه
القلب كنه وسط حامـي الملايـل=
=ولا يستريح القلب في غير مشهاه
ودي بـدار مطوعـة كـل عايـل=
=ربع كما ضلع يعنـز لمـن جـاه
ربعي كما سيـل يطـم المسايـل=
=كم من عقيد راح في زمـة غثـاه
لا د الحبيبـي تشتهـر بالفعايـل=
=اثقل علي العدوان من طويق وقراه
عدونا يمسي بـه الحيـف مايـل=
=وان جا نهار الكون ماحن بنـدراه
من صلب اهل العشر كسبنا النفايل=
=ذود المعادي في ضحا العيد زعناه
ومنـا حـزام شيخنـا بالكمايـل=
=((حزام ابن شبنان)) فعله ذكرنـاه
ضربة يمينـه وقعـت بالفصايـل=
=كم طيرت رجل وفـرس بشلفـاه
ولا خير في هـرج بليـا دلايـل=
=وفنجال راعي الزود حنا شربنـاه
شربه طليفيـح عريـب السلايـل=
=سنه صغير وسيرة العـز ممشـاه
وكم (طامع) لديارنـا جـاك صايـل=
=وخلـي طريـح للذيابـه تعشـاه