[صامل الميقاف]

المشاركة الأصلية كتبت بواسطة خيَّال الغلباء

بسم الله الرحمن الرحيم

قال الشاعر :-

الجاهل اللي يزعج الصوت ويغير = على حمام مصفيات ببيري
والجاهل اللي يشعل النار وينير = ويبدل الحصن الرمك بالحميري
والجاهل اللي يستعين بطوابير = متجاهل قدرة إله بصيري
والجاهل اللي باع دينه دنانير = يلقاه في يوم حسابه عسيري
والجاهل يدرج الحوم ويطير = وياقع على الجيفات وقع خطيري

وقال الشاعر :-

الجهل بحر عنه الأنهار جنّاح = حي ولاكن رمز موته ملاحه
ومطامح الأشفاف يشقن الأرواح = وأشفاف كاسات الشقاء أنفاح راحه
ما تدرك إلا عقب قومه ومطراح = ويقراء طلاسم سرها في انطراحه
والقدر لولا صالي النار ما فاح = والنار لولا الزند ما أضرم قداحه
وترى السفينه لوح والروح ملاح = طاب السفر يا أهل السفن والملاحه

وقال الشاعر / المتنبي :-

ذو العقل يشقى في النعيم بعقله = وأخو الجهالة بالشقاوة ينعم

وقال الشاعر :-

دنيا تدور ودورته تيبس الريق = خبله مريح وراعي العقل شاقي

وقال الشاعر / عمرو بن كلثوم التغلبي :-

ألا لا يجهلن أحد علينا = فنجهل فوق جهل الجاهلين
ونشرب إن وردنا الماء صفوا = ويشرب غيرنا كدرا وطينا
إذا بلغ الفطام لنا رضيع = تخر له الجبابر ساجدينا

والشاعر جاهلي وإلا فالسجود لله تعالى لا شريك له وتعالى الله عن ما يقولون علوا كبيرا .

قال الشاعر :-

لك الله ما نسيـت اللـي عيونـه تحـرق النظـرات
= حقـود ٍ يتبـع العالـم تـقـول بعـالـم ٍ ثـانـي

ضعيف النفس يا فلان ترى بالهـرج لـه جـولات
= يقول فلان مر فلان وراح فلان وفلاني

وأنا لو أكتب بيوت ٍ تصحي الشخص مـن غفـوات
= يقـوم يقـول أنـا مجنـون وإلا الوقـت أغوانـي

وترى من زاد فـي حكيـه سفيـه بداخلـه هفـوات
= وهـو لـو هو يطالـع فـي عيوبـه كـان ما جانـي

على قول المثل مـن راقـب العالـم بهمـه مـات
= وهو نفسه يعيد اللـي مضـى مسكيـن مرضانـي

أجل لا صارت الصحبه بعينـه هـي كـذا لزقـات
= أجـل ما عـاد بالدنيـا رجـال ٍ طيبـهـا بـانـي

وأنـا بقول لـك حـاجـه وخـذهـا ما بـهـا زلات
= تثبـت واعتـدل واتـرك علـوم ٍ مالهـا شـانـي