[فاهم النظرة]

للفنى ياراس رجالً مافيه حميا *** كان ماتقدح مقابيس الظفر في راسه

مايخلد ذكر رجالً وهو بليا *** فعل ابلج وان وقف قدمه عدوه داسه

مايجيب المرجله من حب برد الفيا *** ومايحصل نعم رجالً ضعيفٍ باسه

وكل رجلٍ ينهجر بيته وهوه حيا *** ياعساه الهدم من سطحه الى آخر ساسه

قامت اتدق الطبول بفكري الجنيا *** ليه لان اوضاعنا ياصحابنا منحاسه

الخبر واضح ولابه يالحضور كنيا *** كاش مابه دبلوماسيه ونوع سياسه

المجامل راح وعلوم العرب جديا *** يجب انا نلتفت لامورنا الحساسه

مد لي يمناك وامد لك كل ايديا *** واشرب الفنجال واترك عنك شرب الكاسه

وان جلست تهز راسك كانك الهنديا *** وش تسوي كان بنك الهند حان افلاسه

احتزم بالسيف والبندق مع الشبريا *** عش كذا والا ترى والله ان تضيع الطاسه



الشاعر:مفرح سيف الملحي السبيعي (فاهم النظره)