[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم استغاثة الشاعر الكبير / عبدالله بن شيحان الجبري رحمه الله وأسكنه فسيح جناته ويقول فيها :-

يالله بنو (ن) مدلهم سحابه = لا جاء من القبلة تكاشف بروقــه
كن الخشوم النايفه في عقابه = اللي يشوف بروق نوه تشوقه
كن النعام الربد طافح ربابه = حازه هوى نوه وقدمه يسوقه
جعله على العارض وذيك الشعابه = يركد هواه وينثر الماء حقوقه
مع فيضة التنهات كنها سرابه = وخريم من سيله تملت طروقه
سيله حقوق وشال ربة ترابه = بعض الشجر ما شده إلا عروقــه
غيم وديم لين سيل رغابه = ولي (ن) على وسم (ن) يخايط فتوقه
جعله على الصمان بأمر (ن) نشابه = وعلى النفود وما زما من عروقه
ومن طيب نبته يطرب اللي مشى به = لا من ظهر عشب طوال عنوقه
وموافق نجم الزبانا حسابه = ومنها الزبيدي طالع (ن) من طقوقه
وعشب اليهق له حمرة في هضابه = وعند الضحى تشبع خواوير نوقه
وعلى النبي الهاشمي والصحابه = أزكى سلام كل شي يفوقه

منقول مع خالص التحية وأطيب الأمنيات وأنتم سالمون وغانمون والسلام .