[جعد الوبر]

المشاركة الأصلية كتبت بواسطة آل نايف

بسم الله الرحمن الرحيم

السلام عليكم اخواني أعضاء وزور منتديات سبيع الغلباء أكتب لكم أحد قصيد الشاعر / حمود بن بجاد بن شرفي هو شاعر معصر ولد في مدينه رماح عـام 1334هـ لكم هذه القصيده وهي قصيده وطنيه تعبر عن نفسها

يا سيد الأمجاد رخص للعرب =تقوم بالقوات دون أوطانها
الغادر بريطانيا جاء هل البريمي = في ليل غدراء غايب (ن) شيطانها
نسى مجلس الأمم المتحده = ومشورة التحميه في عنوانها
لمن سرقنا سارق (ن) ننتبه له = واللى نعاهد ما نخون أمانها
قامت زحازيح العرب بالحماسه = جيش الحضر والباديه وإخوانها
أهل الرياض العاصمه قد تبرعت = بمصادم العدوان في ميدانها
وأهل الشعيب وملحقاته والقصب = وشقراء وشيقر والبطين أعوانها
والعرض والزلفي والغاط احترك = والمجمعه وسدير اهتز بركانها
وأهل القصيم الرس وأهل بريده = وعنيزه اللى شوعت فرسانها
وأهل البكيريه وحايل وتيماء = والجوف العمر وأهل الشمال وزانها
وخيبر وأهل تبوك والمدينه = وأهل القرى ظهرت غزوانها
وأم القرى مكه وجده تبرعت = بظهار جيش تدفعه بخزانها
وأبها وأهل الطايف وغامد واليمن= وأهل خمس مشيط مع شهرانها
وأهل تربه والغريف وبيشه = والخرمه ورنيه وأهل وديانها
وعتبيه الهيلا وبلي وجهينه = وقحطان وأبا الحارث مع زهرانها
وأهل المدينه حرب وشمر أهل الجبل = وعنزة اللى وسعت حدانها
وسبيع الغلباء على رماح ظهرت = وألاد سهل ومطير مع دوشانها
ظفير والعجمان وبنى خالد = وزعب وبنى هاجر على شيخانها
وحوطة تميم يمين والدواسر = وأهل الجنوب يام مع نجرانها
والخرج والحريق وليلى والحساء = والعنين والدمام مع ظهرانها
قامو أهل التوحيد في طاعة الله = بالكلمه اللى راجح (ن) ميزانها
تباشر الأوطان بمصادم العدو = يا حظ قوم هاجمت عدوانها
يا أيها حراير العرب استقيموا = وخجوا عدوا الله بصلف أكوانها
حتاه ما يعود جزيرة العرب = ولا عاد يستلى على حقانها
بريطانيا مثل إبليس يغوى قرينه = وشب نار يصلى ضيانها
قامت جيوشه تحترى للإشاره = تستاذن التنبيه من سلطانها
قايدها أبو فهد ومشعل وزيره = أسود تفك احقوقها بأيمانها
يا أبو فهد عاهل جزيرة العرب = رخص للشيبان مع شبانها
حتى أهل التوحيد تحني سيوفها = من الدوله اللى شاغبت جيرانها
هذا كلام حمود يا سامعينه = وصلوا على الرسول مع ختمانها

مشكور وما قصرت ولا هنت