أشكر الجميع على مرورهم الكريم العطر،،،،،،،
الذي يدل على دماثة أخلاقهم وأدبهم العالي،،،،،،،،
والآن::
أعزاءي القراء الكرام.....
تحية طيبة وبعد
يسعدني أن أقدم لكم هذه المحاورة الشعرية العجيبة
بين الأمير((
قطن بن قطن بن قطن بن علي بن هلال بن زامل بن حسين بن ناصر بن جبر العقيلي العامري القيسي العدناني)) أمير عمان آن ذاك،
وبين الشاعر الكبير في ذلك الوقت ((
محمد العليمي )).
وكان شاعر الأمير في قريته ((
العيينة )) وأرسل له هذه الأبيات،
المشحونة بالأغاز الشعرية العجيبة، وطلب منه الحل لها؟
فأجابه بقصيدة على نفس الوزن والقافية والبحر، تحمل في طياتها الحلول على قصيدة الأمير.
وتعتبر من قوة شاعرية الأمير وشاعره ((
محمد العليمي )).
وأترككم الآن مع هذه القصيدة راجيا لكم المتابعة الطيبة.....
يقول الأمير((
قطن بن قطن بن قطن بن علي )):
يابو محمد لا فجتك امصيبه=طيب الزمان في رغد ماريت شر
ويا من على كل البرايا بين=وعلى جميع الخلق بالعلم افتخر
فضايله بين الملا مشهوره=عصر الصبا واحلاف ماابيض الشعر
تبين لي طار طرالي ظاهر=عسر ولو ينشر على كل البشر
انشدك عن انثا اتعاشر مالها=ذكر يجيها واصل ماتلد الذكر
وانثا لا تضنا ولا ينضتا بها=طول الزمان ولبسها ثوب حمر
وانشدك عن انثا وهي سيارة=دليلها مع دربها طول الدهر
وانثا تسير بغير ارض ولا سما=ومسيرها دب الدهر على الظهر
وانشدك عن انثا وهي شباحه=تاكل ولا تشرب وتنكح من وخر
وانثا واربعة لها في حسبه=يانعم من هي له تكون المتجر
وانشدك عن انثا حديد شوفها=تمشي وبيانتها ثلاث في سطر
وانشدك عن انثا توكل حلوة=في بطنها انثى وفي الأنثى ذكر
وانشدك عن انثا تناكح زوجها=الى اتعبت الأنثى فجد لقح الذكر
واناثي لهن فضل نعم=في محكم التنزيل حلوات الثمر
واناثي مختلفات اسماهن=سبع ويتبع كل وحده منهن ذكر
وانشدك عن سود حلال اكلهن=وامثالهن بيض حرام للبشر
وانشدك عن شي طويل نافع=وللناس نفعه بين مابه غتر
هجره عن الضرب الكثير ايضره=ولو يضربونه جملة الناس اعتمر
وانشدك عن اذكر جليل نفعه=خيار نفعه حين ينهل المطر
وانشدك عن اذكر بعمر قاصر=بالحد قطاع ومسمور القمر
وانشدك عن اذكرين باسم واحد=فارقهم الذكر الطويل المشتهر
وانشدك عن اذكر يدور على الملا=بالسمع يذكر ولا يعطي خبر
وانشدك عن رجل تزوج أنثى=بكر قضا بعض الملا منها وطر
ماعندهم جان ولا انس حضر=فزاجهم هذا يكون امن العبر
وانشدك عن اذكر شديد باسه=يمضي جهار ولا عنده رد القدر
واخلافذا خمسةٍ او ستة نامو=ونومتهم لزت على طول الدهر
واخلافذا اذكر يحب اوصاله=لولاك تشكي في طبايعه العسر
واخلافذا اذكر منازله الفلا=طبعه إلى ماناموا النومى سمر
ثم الصلاة على النبي امحمد=مبارق في مظلم الداجي سمر
وأجابه الشاعر ((
محمد العليمي )) قائلا:
ياركب من عندنا منجوبة=من ساس هجن كنها ظبي عفر
قودا هميم من بنات عثافر=مأمونة ذا تو فاطرها فطر
سرها رعاك الله يوم كامل=ثم اسقها تالي النهار امن الحفر
فاليا لفيت وجيت صوب قبيلة=ترعا نبات الأرض مختلف الزهر
سلم عليهم والى لفيت بظلهم=من غايب منهم ومن هو قد حضر
واختص لي قطن برد التحية=ذباح للخطار نابيت الظهر
قل له لقاني من اقبالك صايب=عسر ولا لي عن امقاضاته مفر
نشرتها للعالمين ابمعرفة=مطلقها الطلق الشديد امن الوسر
مع ذا ولا يقبل المن هو صادق=عذر الفقير للعالمين لو اعتذر
تنشدني عن انثاً اتعاشر مالها=ذكر يحيها واصل ماتلد الذكر
هذا عقاب الطير كله اناثي=ولا تستحظ التساقي ذا الخبر
وانثا لاتضنا ولا ينتضا بها=طول الزمان ولبسها ثوب حمر
هذيك هي انثا على وقت الحيا=حمرا وتسمى عندنا نبت المطر
وتنشدني عن انثا وهي سيارة=ودليلها مع دربها طول الدهر
ذيك العيون المبصرات بشوفها=الشمس بالممشا يتاليها القمر
وانثا تسير بغير ارض ولاسما=ومسيرها دب الدهر على الظهر
هذيك في البحر العميق سفينة=دليلها دايم مقره بالتفر
وتنشدني عن انثا وهي شباحه=تاكل ولا تشرب وتنكح من وخر
هذيك في كل الديار امقيمه=وهي الرحا عند البوادي والحضر
وانثا واربعة لها في حسبه=يانعم من هي له تكون المتجر
هذيك الكعبة وذيك اركنها=ركنين والركن اليماني والحجر
وتنشدني عن انثا حديد شوفها=تمشي وبيانتها ثلاث في سطر
هذيك هي جوزا النجوم الحسبه=يمشن طول الدهر زينات النظر
وتنشدني عن انثا توكل حلوه=في بطنها انثى وفي الأنثى ذكر
هذيك عند اهل القرايا خوخة=وهي أول الأشجار تلفق بالزهر
وتنشدني عن انثا تناكح زوجها=الى اتعبت الأنثى فجد لقح الذكر
هذيك هي انثا تخض اسقافها=والزبدة البيضا الى درت النظر
واناثى لهن فضل يعم =في محكم التنزيل حلوات الثمر
هذيك رمانه وذيك اغصونها=والنخل فضله الأله على الثمر
وأناثي مختلف اسماهن=وسبع ويتبع كل وحده منهن ذكر
هذيك ليالي الأسبوع كلها أناثي=يتبعهن أبيض النهار وهو الذكر
وايضاً ثلاثين حلال أكلهن=وأمثالهم بيض حرام للبشر
هذاك شهر فيه أمحرم=أكل النهار ويحل بالليل الفطر
وتنشدني عن شئ طويل نافع=وللناس نفعه بين ما به عثر
هجره عن الضرب الكثير يضره=ولو يضربونه جملة الناس أعتمر
هذاك الدرب علم وبين=وهو الدليل إلى الدليل قد أبتهر
وتنشدني عن ذكر جليل نفعه=وأخيار نفعه حين ينهل المطر
هذاك مرزام السطوح حمايل=ما ينفع إلا حين ينهل المطر
وتنشدني عن أذكر يسير امكلف=وإن قطع رأسه في كلافته أستمر
ذاك القلم يعباه كل امطوع=لا تاجر يوم ولا يوم أفتقر
وتنشدني عن بعمره قاصر=بالحد قطاع ومسمور القمر
هذاك يوجد عند كل امحسن=ألا وهو موس ايحت به الشعر
وتنشدني عن أذكرين باسم واحد=فارقهم الذكرالطويل المشتهر
ذوليك هم النسرين باسم واحد=فارقهم الذكر الطويل وهو المجر
وتنشدني عن اذكر يدور على الملا=يذكر بالسمع ولا يعطي خبر
هذاك كان إني فهيم وعارف=وإن كان لي فهذاك الدهر
وتنشدني عن رجل تزوج أنثى=بكر قضى بعض الملا منها وطر
ما عندهم جان ولا أنس حضر=فزواجهم هذا يكون امن العبر
هذاك رسول الله تزوج زينب=عقد لهم عند الإله ابلا مهر
وتنشدني عن رجل شديد بأسه=يمضي جهار ولا عنده رد القدر
هذاك ملك الموت وشرب كاسه=من طال عمره بالحياة ومن قصر
واخلاف ذا خمسه أو ستة ناموا=ونومتهم لزت على طول الدهر
ذولاك اهل الكهف الذي يوصف بهم=اصبروا وخير الله قريب الصبر
واخلاف ذا أذكر منازله الفلا=طبعه إلى ما ناموا النومي سمر
هذاك يوم البر يصبح سامر=واغناه تسبيح الخلاق البشر
واخلاف ذا اذكر يحب أوصاله=لولاك تشكي في طبايعه العسر
هذاك الفهد الذي يقنص به=للصيد لا تزعل عليه ولو كثر
وانشدك حيث أنك فهيم عارف=عن وزن رطل لا حديد ولا حجر
يثقل الوف ما يعد احسابها=إلا ولي العرش خلاق البشر
فإن عجزت ولا عرفت أوصوفه=فانشد على حيث إن بذا عندي خبر
ثم الصلاة على النبي محمد=ما لاح برق في سحاب واستمر
أتمنى أن تكونوا قد استمتعتم بهذه القصة الشيقة.......
والسلام عليكم ورحمة الله وبركاته........