[خيَّال الغلباء]

بسم الله الرحمن الرحيم

إليكم هذه القصيدة التي أتمنى أن تنال إعحابكم :-

يا طول صبري يا أريش العين طولاه=صبر (ن) صبرته ما صبره المهادي
صابر ولكن حالي الهم يبراه=والعين عيت تهتني بالرقادي
باح الصبر يا زين يا زين بالله=ارحم عزيز (ن) عاف شرب (ن) وزادي
ما بين ياس الوصل وما بين رجواه=نار الجفاء يحرق سناها فوادي
خليتني يا زين في وسط مظماه=ومن وين ما وجهت مابه برادي
وبيوت همي وسط قلبي مبناه=وسكانها تاتي مع كل وادي
غديت مثل اللي بغاء الكسب وأخطاه=وصبح أسير (ن) في يدين الأعادي
القلب يكفي يا أريش العين ما جاه=يا زين لا تقسا وخل العنادي
قربك ترى شفي وقلبي تمناه=وشوفتك عندي من حساب العيادي
خل (ن) سعى لرضاك دور على ارضاه=هذا من اسلوم الهوى والمبادي
تبغى الحقيقه ما معك شخصن أهواه=القلب بعدك عاف حضر وبوادي

أخي الكريم الشاعر / راعي الذود السلام عليكم ورحمة الله وبركاته وبعد : شكرا جزيلا لك على هذه الغزلية الرائعة المعبرة والله يرزقك بمن تحب وصح لسانك وسلم نبضك وبنانك وإعتلا شانك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .