[راعي مرات]

المشاركة الأصلية كتبت بواسطة مبارك مقين

انا اخاف عيني لاانتهى الدمع تنزف دم = مادامن طويلات المبادي معازيبي
تخم الخطى رجلي لراس الطويله خم = مقاع الحصى لااقبلت كنه يهليبي
الا ياعذولي طول الهرج طعني قم = تراني من علومك تدانت محاضيبي
انا اقول عذال المحبين ماتفهم = مثلهم مثل من يسهجون المواجيبي
جريح الهوى لو طول الوقت ما يسلم = لو انه دله فتره بيجيله عواقيبي
يقارب خلوج البـو لابد ماتزهم = بصوت تلاحيه الضلوع المحاديبي
الليا شاف طرقن تطرق الرمش لا سلهم = تجر القلوب العاشقه بالكلاليبي
على اول نهدها في بدايت صباها زم = صخيف ثمرهن يشتكي حست الجيبي
وعنقن طويل وعين نجلاء وخد وفم = ليا شافها العاشق عوى عويت الذيبي
الا بري حالي كان عيى الشمل يلتم = وانا غيرها ماابغى جميع الرعابيبي
اسولف ليا جيته ولا رحت عنه اطرم = عسى اللي بلانيبه مايقطع مطاليبي
وجودي وجود صغيرن في ولاية عم = ضعيفن حياته في سموم ولواهيبي
يقوده مثل قود الطلي في فم الاسحم = من غله عليه يطق رؤس العراقيبي

مبارك القين


ماشاء الله عليك


جبتها من علاويها


لله درك


هكذا يكتب الشعر وإلا فلا


روعة


عذوبة


أبدعت وربي


تسلم