[خيَّال الغلباء]

بسم الله الرحمن الرحيم

السلام عليكم ورحمة الله وبركاته

إخواني هذه المرثيه في أحد كبار ومشاهير القبابنة السهول الشيخ / مسفر بن كريبان بن حماد القباني رحمه الله وهو من أهل الحل والعقد في قبيلته اّلاد قبان وقد عرف عنه رحمه الله الشجاعة والظفر والحنكه والدهاء الذكاء وصلابة الرأي والعزيمه القوية كذلك هيبة المنظر هذا بجانب الحلم والكرم والعطف والرأفة على المساكين والضعفاء وفي وفاته خسارة كبيرة لمحبيه وأقاربه ومن عقد به حل المعضلات صدق الوقداني حينما قال :-

الدبش والمال لا بده يروح
= والثنا والصيت جيل (ن) بعد جيل

سأتركم مع هذه المرثية للشاعر / محمد بن مطلق بن حشر الفطيماني :-

رف الجفن عن لـذة النـوم رفـا=ودعا لها الداعـي بقلـة هجوعـه
وأوماله المومي علـى راس طفـا=فـي راس مرقاب (ن) طـوال جزوعـه
مرقاب من شـف المقاديـر شفـا=اللي قصر عن رغبة النفس بوعـه
اللـي تلفـه شهـب الأيـام لفـا=تدرج رحاها لين طفـت شموعـه
ومن عقب ذا بأخذ من القاف شفـا=أبا أتخيـر مـن زواهـي رموعـه
قاف (ن) يحفه واهـس الـراس حفـا=يقطف زماليقـه ويجـدع دنوعـه
ينـف حذفـات المقاطيـف نـفـا=وإليا صفا الصافي خذا منـه نوعـه
دنيا تخـف العقـل يا سعـود خفـا=في نابها سم الصقطـري تزوعـه
فيهـا الحـلا والمـر كلـه مخفـا=وكل (ن) على ما قيـل ياخـذ جروعـه
أحد (ن) بهـا شرقـان وأحـد (ن) معفـا=وأحد (ن) عليه الوقت يرقـل جموعـه
وأحد (ن) شرابه من قـراح (ن) مصفـا=وأحد (ن) كظم غيظه ومـره يزوعـه
فوقه سبور المـوت وقيـف صفـا=يشـرب ولكـن ما تهنـا متوعـه
ومن عقب ذا بأكتب جواب (ن) على أفا=غريب في شكله وطرقـه ونوعـه
فاللي بكـف فعـول الأمجـاد كفـا=ذبة سنـام الطايلـه مـن طبوعـه
مسفـر شهيـر الفعـل ما ينتخفـا=مثـل القمـر ما ينتخفـا طلـوعـه
ستـر البنـي المترفـات الأعفـا=لا من مرعوب الحشاء طال شوعـه
وذبـّاح فالشـدات حيـل (ن) تجـفـا=لا مـن ولـد اللاش قنـن متوعـه
لا عـاد يـوم (ن) فيـه قالـوا تـوفـا=لعـل ما يسقـي علينـا طلـوعـه
يوم (ن) بـه صعـاط المجانيـن قفـا= إقفايـة (ن) ما عـاد نرجـي رجوعـه
اللـي خصيمـه بالهزيمـه يلـفـا=أكود عليه النصر من حب كوعـه
لا كبـرت القالـه طلـع ما تخـفـا=ياصل ويدرك كايـد الفعـل بوعـه
لا قـام فـي أمـر (ن) نجـح ما تهفـا=يخضع له الكايد ويعلـن خضوعـه
دايم رفيقـه فـي الشدايـد مكفـا=ينطح محاميل البلا عـن ربوعـه
في ماقـف (ن) الشـدات وفـا وكفـا=كاس النشاما شاربه مـن فروعـه
حر (ن) عنه جـول الحبـاري تخفـا=الخـرب لا منـه تنهـض يروعـه
إليا شهر مـن ماكـره ثـم ضفـا=عن الطمن روس العوالي وقوعـه
وسيف (ن) إليا من سل مـاص مصفـا=يذخر لصعبات المواقـف طلوعـه
إليا ضـرب لـه ضربـة ما تشفـا=فيها يضيع الطب بأشكـال نوعـه
عسى بـراد الخلـد فوقـه يهفـا=في جنة الفردوس يكمـل ركوعـه
ويعوضـه فأهلـه بحـور تـزفـا=في الجنه العليا يواصـل خشوعـه
وختامها يا مـن لـه الكـون كفـا=يا من له أملاك الـولاء والمطوعـه
يا عالـم المكشـوف واللـي مخفـا=تجعل لنـا نفـس (ن) بمـدك قنوعـه

وسلامتكم .... تحياتي وإلى اللقاء .

مواجيب الله يرحم الشيخ / مسفر بم كريبان القباني ويسكنه الجنة ويلهم أهله وذويه الصبر والسلوان وجزاك الله خيرا ولا هنت .