رد: شكر وعرفان
كُتب : [ 21 - 08 - 2009 ]
اقتباس:
المشاركة الأصلية كتبت بواسطة ظافر ابن هميله
بسم الله الرحمن الرحيم
من هاجسن ساق طاروقه على هونـــه = سوق الفناجيل باطيب كيف ظرمانه
ويغني القاف لين النـــاس يوحونـــــــه = ويدونة بسم من قاله علـــى شانـــــه
ويخص بالمدح ربعــن يستحقونــــــــه = ربع على كسبة الطولات طــربانه
طيبن علــــــى ساس مايختـل قانـونـــه = يومن بعض العرب بالطيب بلشانــه
عيال الادغــم هدف قافي ومضمونـــه = وراعي المليحه سعد رمزه وعنوانه
في عزوتي بكتب الطاروق ولحونــــه = بالصدق عن ناقدن مايملك اللسانـــه
ولا حسودن بيه وقاصـــرن دونـــــــه = ولو كان يبغاه تقصر عنه ذرعانــــه
قلته واقوله واعيد القول واصـــونــــه = واحماه عن ناقدن في حكم شيطانــه
ولا العدو مدح ربعي يكحل اعيونــــه = والفعل يشهد على قافي وبرهانـــــه
الطيب له نفس راعي الطيب مرهونه = لاصار ورثن لبوه ورث جدانـــــــه
وبنات الافكار لاهل الطيب مديونــــه = والشكر ديني وانا مرهون ديانــــــه
وحان الوعد للمدان يخلص اديونــــــه = ويعيد لاهل الوفا شكره وعرفانـــــه
ويخص بالشكر الادغم جعل يفدونـــه = روسن تباهي وهيه مالهــــا خانــــه
وادون الشكـــــر للاجيـــال يقرونــــه = والصدق مفتاح مخزونه وبيبانـــــه
والطيب يصعب على اللي مايعرفونه = وكلن يمينه اتبين حجم ميــــزانــــــه
من يجهل الطيب ربعـــــه مايعدونـــه = يرجع ويحسب عدد من جملة اخوانه
الشاعر /ظافر ابن هميله
ج/0559784554 |
أخي الكريم الفاضل الشاعر / ظافر بن هميله السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة والجميلة والأدغم يستاهل وله البيضاء سنود وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
|