[خيَّال الغلباء]

المشاركة الأصلية كتبت بواسطة ظافر ابن هميله

بســـــــــــــــــــــــــــــــــــــم الله الرحمن الرحيم

يا راكب (ن) جمسن جديد (ن) مديلة = يعجب أهل الأنظار لونه وحلياه
مميزانه في خواته قليله = حافه خبير الجمس وأكمل مزاياه
صوته إليا أرزم كالرعد في مخيله = من مدلهم (ن) لاستهلت رفاياه
كن الحصاء ضرب البرد خلف ويله = مزن (ن) تقفاه الهواء وانتثر ماه
فوقه اغلام (ن) فالخرايم دليله = لا جاء لزومن مثل هذا زهمناه
يسري من الغريف في نصف ليله = والفجر برج العاصمه قد تعداه
معروف ذكره مع جميع القبيله = حر (ن) مجرب بأول الوقت واتلاه
ملفاه شيخ بالقسا ينعني له = راعي هلا للضيف يضحك محياه
وكاسب مع الظفران طيب وجميله = يوم (ن) وكلن يظهره فعل يمناه
عبدالله اللي نافل (ن) كل جيله = اللي إليا جته المناعير تلقاه
راعي الجزاله والفعول الجزيله = هاذاك ابن صلال واللاش يفدا ه
جعله يدوم ولا ندور بديله = راعي هلا جعل المنايا تعداه
خيرت ارجال (ن) من ارجال القبيله = حلحيل حلال العقد لا عدمناه
مدحي لبن صلال تاج (ن) وأشيله = ومدح الرفاقه طيلسان ولبسناه
أفخر ابمدحي في الزحول الأصيله = أهل الوفا والطيب والعز والجاه
وهم تاج راسي عند قدح الفتيله = اّطابهم خشم العدو وأتحداه
و هم الفخر وأنا منه وننتمي له = وأفخر بربعي يا سبيع المسماه
وأبغى السموحه لو بوتي قليله = وما قل دل وزهرة الشعر معناه

الشاعر / ظافر بن محمد ابن هميله

أخي الكريم الفاضل الشاعر / ظافر بن هميله السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة والجميلة وعبدالله بن صلال يستاهل كل علم غانم وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .