اقتباس:
المشاركة الأصلية كتبت بواسطة خيَّال الغلباء
بسم الله الرحمن الرحيم
السلام عليكم ورحمة الله وبركاته : إليكم هذه القصيدة أتمنى أن تحوز على رضاكم :-
يالله وأنــا طالـبـك تغـفـر لــي ذنـوبـي يـــا غـفــور= أرجـيـك والـجـا لــك وأنــا سـالـك وأعيد المسـألـه
لـومـا تطهـرنـي بـعـفـوك مـــا تطـهـرنـي الـبـحـور= جـيـتـك وذنـبــي قـــد تـعــلاّ غـاربــي يــــا مـثـقـلـه
أنـا مـن الطيـن انخلقـت أخطـي ولانيـب مـعـذور= قـامـت عـلـي الحـجّـه بـدعـوة رسـلــك المـرسـلـه
مـؤمـن بتـوراتـك وإنجيـلـك ومـؤمــن بـالـزبـور= وبـسـنّــة مـحـمــد وآيــــات الـكــتــاب الـمـنـزلــه
لـكـن خُـدعـت بـزخـرف الدنـيـا وزادتـنـي غـــرور= أبــدت مفاتـنـهـا وورتـنــي مـــن الـعـمـر اجـمـلـه
طبـعـاً بـمـا إنــي بـنـي آدم حـصــل مـنّــي قـصــور= وأذنـبـت يــا مـــولاي ذنـــبٍ بالـخـفـا مـــا تجـهـلـه
أسألـك تغفـر لـي وتسـتـر موقـفـي يــوم النـشـور= الـيـا القـفـت خلـقـك صحايفـهـا وهـــي مستـذهـلـه
مـن يستلمهـا بالشمـال أفلـس وهـو يـدعـو ثـبـور= ومــن يستلمـهـا باليمـيـن أفـلـح لـخـيـر المـنـزلـه
وأسـألـك يــا ربــي تعـاونّـي عـلـى نـيــل الأجـــور= أحـيـا حـيـاةٍ مكـسـبـي فـيـهـا مـــن الـبــر أفـضـلـه
وأسـألـك جــاهٍ مــع هــل الدنـيـا وحــظٍ مــا يـبــور= أيـضـاً وعــرفٍ مــع هــل الحكـمـه ورزقٍ تكـفـلـه
مــن لا تهـيّـا لــه مـقــامٍ مـــع طويـلـيـن الـشـبـور= يبكـي علـى مـا ضـاع مـن عمـره وخيبـات عمـلـه
وإن شـاب راسـه لا ترجّـى فـيـه تجبـيـر الكـسـور= لا خـيـر فـــي تـالــي زمـــانٍ مـــا تغـانـمـت اوّلـــه
ومانيـب ناسـي قـصـةٍ صــارت وأنــا أزور القـبـور= لا زلـــت أفـكــر فـــي غرابـتـهـا وبــالــي تـشـغـلـه
ساعـة ظهـر لـي شايـبٍ لـه حـول قرنيـن محجـور= فـي جـوف قـبـرٍ عــن هــل الدنـيـا طــواه ويعـزلـه
سلّـم وجـا صوبـي يـقـول : أبنـشـدك يالـلـي تــزور= عن حالة الدنيـا وعـن وضـع الزمـان وعـن هلـه
أنـا مـضـى وقـتـي ومــرّت بــي طـويـلات الـدهـور= والـبـاقـي بـعـمـري بـعـيـشـه بـيـنـكـم واستـكـمـلـه
قلـت : الزمـان اللـي يبارينـا عـلـى خـبـرك يــدور= الـوقـت نفـسـه مـــا تـغـيّـر مـاشــيٍ فـــي جـدولــه
أما البشـر لا والله إلاّ غيـر مـن حـد الجـذور= صــار انتـقـالٍ مــن يمـيـن إلـــى يـســار المنـقـلـه
استغـرب الشايـب مـن الـلـي قـلـت وبلـيّـا شـعـور= حــط اليمـيـن أعلى الشـمـال وخـاطـره فـيـه أسئـلـه
قال : افتني عـن حالـة الشيبـان والشيـخ الوقـور= أهـل الخبـر والــراي والحكـمـه وضــرب الأمثـلـه
القـدوه أصحـاب الأمـور الـلـي تـطـاع بـكـل شــور= الـلــي يـفـضّـون الـنــزاع ويحـكـمـون المـشـكـلـه
قلت : البعض منهم على ما قلت في وصفك وقور= قــدوه ولـكـن رايـهـم مــا يـنـفـرض فـــي مـسـألـه
الطـاعـه العمـيـا بـقـا مـنـهـا مجـامـلـة الـحـضـور= الــلــي تـلاقـيـهـا مـــــع أوّل فــرصـــةٍ مـتـنـصّـلـه
والبـعـض لا عـبــدٍ يـخــاف الله ولا عـبــدٍ شـكــور= لا زهّـــده شـيـبـه مـــن الـدنـيـا ولا هــــو جـمّـلــه
بهـيـمـةٍ يـرجــع عـلــى مـنـحـاه الأوّل ومـحـصـور= فـــي لـعــب بيـلـوتـه وريـــح زقـارتــه ومـعـسّـلـه
والبعض الآخر شابت رموشه علـى درب الفجـور= يـنـقـل جـــوازه للـسـفـر مـــن مـزبـلـه لا مـزبـلــه
أشيـمـطٍ زانــي قـضــا عـمــره بـحـانـات الـخـمـور= والـعـايـلـه ورعٍ يــغــرّر بـــــه وبــنـــت مـهـمّـلــه
قـال : افتنـي عـن حالـة الخفـرات ربّـات الـخـدور= الـلــي تـصــان بـبـيــت عـايـلـهـا وبــابــه تـقـفـلـه
شيهانـةٍ تشمـخ عفـاف وتصـقـل فــروخ الصـقـور= بـيـن الفـريـق ببشتـهـا الـضـافـي وثـــوبٍ تسـبـلـه
قـلـت : الـعـذارى فــي زمـنّــا بـبـغـاوات الـطـيـور= تقلـيـد هــرج وعــرض ريــشٍ خلفـهـا تستخمـلـه
تلبـس عـبـاةٍ ضيّـقـت حــول الـردايـف والخـصـور= فضيـحـةٍ تكـشـف جسـدهـا مـــن عـلــوّه لأسـفـلـه
وموضة شيالٍ تكشـف الوجنـات وألـوان الشعـور= والـمــحــرم تــبـــدّل بــجـــوالٍ بــيــدهــا تـحـمــلــه
لا فوّحـت صفـر الـدلال ولا عرفـت غــش الـقـدور= تـطــبــخ لــهـــا خـــدّامـــةٍ بـالـعـايـلــه مـتـوكــلــه
الأم مـا صانـت عفـاف البنـت مـن عمـر الـزهـور= والأب ديّـــــوثٍ تـحـكـمــه حـــرمـــةٍ مـسـتـرجـلــه
وشـلــون يـتـربّـى عـيــال ام الـتـبـرّج والـسـفــور= إلاّ خــنــازيـــرٍ دمــــاهــــا بــــــــارده ومــغــفّــلــه
قال : افتنـي بحـال الشبـاب الصلـب صيّـاد النمـور= الـفــارس الـلــي يـنـطـح خـصـومـه بـزنــدٍ يفـتـلـه
الوافي الشهـم الغيـور اللـي لعـرض الجـار سـور= الـبـار عـنـد أمّــه وأبـــوه وعـلــم ربـعــه يشـغـلـه
قلـت : الشبـاب بوقتنـا وجـهـه مـثـل بــدر الـبـدور= والجسـم مـن زود الرخـا مــا تنفـتـل فـيـه عضـلـه
قـصّــة شــعــورٍ صـيّـرتـهـم لا إنــــاث ولا ذكــــور= والــثــوب راح ولا بــقـــى إلاّ عــالـــمٍ متـبـنـطـلـه
نـاسٍ ( فلنتينـو ) ونــاسٍ تلـبـس ( كرستانـديـور )= صــار التـنـافـس بيـنـهـم فـــي لبـسـهـم والجنـتـلـه
من كان يشرب من قرار البير مشروبـه ( بيـور )= والبـل راعيـهـا غــدا يـشـرب حلـيـب ( النستـلـه )
ما منهـم اللـي قـام دون أعــراض جيـرانـه غـيـور= مـن قـام قالـو وشملقّـف حضرتـه ؟ وشدخّـلـه
والوالديـن حقوقـهـم ضـاعـت وعنـهـم فــي نـفـور= إن غـــاب عـنـهـم لا تـذكـرهـم ولا جــــاه الــولــه
بــدّا عليـهـم شـلّـةٍ تـهـوى الـوطـا بـيـن الـجـحـور= لــو تعـزلـه عنـهـم تـبـي لــه شـــان كـنّــك تقـتـلـه
مـا راح يـوم يشـارك ربـوعـه بـحـزن ولا ســرور= حتـى ابـن عمّـه يعرفـه بالـوجـه واسـمـه يجهـلـه
بــدّل حـكـاه وضـيّـع سلـومـه وحـالـه فـــي دبـــور= وإن شـاف ضيـف يخـش حتـى إنّـه يفـارق منزلـه
ناظـر لـي الشايـب بعـيـنٍ تجـمـع السـبـع البـحـور= يـقـول : انــا لا يمـكـن ادخــل مجتمـعـكـم واقـبـلـه
أنـتـو لـكـم وقــتٍ تـصـدّع مــن بـلاويـه الـصـخـور= مـا يقعـد الجـمّـال بــه سـاعـه ولــو ضــاع جمـلـه
الشاعر / ظافر بن لعور القحطاني
أبو متعب جزاك الله خيراً وصح لسان الشاعر / ظافر بن لعور القحطاني ولا هنت |
أخوي خيال الغلباء , مشكور على مرورك يغالي تقبل تحيات أخوك : أبـو مـتـعـب .