ياهني من صلى العشاء والتراويح = وسبع ركعات كل ما دلبح الليل
في مسجد فيه الرجال المفاليح = ويرتلون آيــــــات الإلــه ترتيل
يقرون بالقرآن حفظ وتصـــحيح = ودموعهم مثل الرشاش الهماليل
مـــر وقوف ومرتيـــن مدابيــــح = ويعدلون الحرف لا مال تعديل
متسلحين براية العلم تسلــيح = والعلم بصدور النشاما قنــــاديل
جليسهم يدعى على هبة الريح = إحياي لـسنه وللجــــار تجلـــيل
اللي من اول فالجواهل زحازيح = وصناعة التاريخ لا ركبوا الخــيل
اللي ليا ركبوا على الفطر الفيح = إلا لفوا يجيبون الغنايم زعاجيل
وإن ألحقوهم مبعدين المصابيح = عيوا على البل شاربين الفناجيل
وشربوا لبنها فالركا والصناديح = عقب الطراد وعقب طرح الرياجيل
لامن شعوها كاسبــين التماديح = تمشي سراياهم على الجدي وسهيل
ولا ياخذون من المعادي تصاريح = إلا على قحص المهار المشاويل
إلا جاء لمسقوف الفرنجي تضابيح = ومجردات فالقاء ترهق الحيل
وجه بوجه وكمـــــلن التمــازيح = أحد كسب وأحد قليل المحاصيل
وقفوا عليها بالغنايم مفــاريح = وطاب الكرى مع لابسات الخلاخيل
واليوم دور ملاعبين المســابيح = عشــاقة الكوره ولابــه محاصيل
واللي منول فالمواشي سواريح = يقول انـــا عنتر وغاديبه السيل
يقوله اللي مايحب التجـــاريح = ولاهوب سباق على القال والقيل
نبذه من التاريخ تعطي تلاميح = توصي بتقوى الله وكثر التهاليل
مشكور وما قصرت ولا هنت