[جعد الوبر]

المشاركة الأصلية كتبت بواسطة خيَّال الغلباء

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فإنه يرد في أشعار قبيلة بني هلال القديمة تسمية بني هلال بالغلباء وإليكم هذه القصيدة القديمة للشاعر الشيخ / فيصل الجميلي السبيعي رحمه الله وأسكنه فسيح جناته المعاصر للأمير / أجود بن زامل الجبري العقيلي العامري حاكم الأحساء رحمه الله وأسكنه فسيح جناته ورد ابن عمه عليه الشاعر الفارس / عبدالله بن زيزر الجميلي رحمه الله وأسكنه فسيح جناته وفيها يمدح الشاعر الفارس / ذياب بن غانم الزغبي الهلالي رحمه الله وأسكنه فسيح جناته ويقول فيها :-

يقول الجميلـي والـذي بـات ما غفـا=بعين برى ريـش المواقـي دموعهـا
جهـوش بجار الدمع لا نـامـت الـمـلا=قليل علـى طـول اليالـي هجوعهـا
فلا أدري أنا أبكـي العمـر أو لام خلـه= أو أبكي على روحي وحلـو طبوعهـا
وليّت الصبـا وأنـا إلـى الله راجـع=وربيت نفـسي راشـد فـي رجوعهـا
علـى ديـرة بيـن الوطـاة وخرطـم=سقاها الحيـا وابتـل عالـي فروعهـا
سقاها الحيـا مـن مزنـة عقربـيـه=يجي سيلها من فوق عالـي جذوعهـا
إليا من لفت مـن فـوق واقتادها الحيـا=كأن مشاعيـل المصـاري لموعهـا
من النير للشعراء إلى وادي اللـوى=إلى روضة المغني سقى الماء فروعهـا
حمينـا رباهـا مـن عدانـا بفعلـنـا=بضـرب اليمانيـات نحمـي فروعهـا
أقمـت بهـا وأنـا صبـي وشـايـب=لا شب مـن نار المعـادي لموعهـا
قعدت لها عـن كـل ما كـان عايـف=والأشياء إلى رب البرايـا وقوعهـا
ولا همزت رجلي إلـى بيـت جارتـي=إلى زارهـا مـن لا يدانـي شنوعهـا
وإن اغتاض جاري صار نومي مشافق=أخاف على روحي معانـي تصوعهـا
أقمـت بهـا تسعيـن عـام وصابـر=على ضيمها واللي يجي من هزوعهـا
أقمـت بهـا ما نلـت منهـا تـجـاره=وخير الليالـي نومتـي فـي ربوعهـا
شفاتي بهـا قولـي للأجنـاب حولـوا=وعيراتهـم ما فـك عنهـا شنوعهـا
إلى جفنـة مـن مـد ربـي عبيتهـا=لكن حياض المـال بالمـاء شروعهـا
مقابلـة الـدرب الشمـالـي وقبـلـه=وريح الصبا واللي جنـوب جزوعهـا
وأقري بها الخطار فـي حـزة القسـا=إلـى ما حكـر زاد القرايـا زلوعهـا
فليـت موازيـن الـرجـال رفيـعـه=على الحق يعرف من قزى من نفوعها
فـدع ذا يا غـادي علـى عيهـديـه=جماليـة يطـوي الزبـارى هبوعهـا
وصبحـت أو مسيّـت منـا جماعـه=كـرام اللحـى رد النقـا ما يروعـهـا
من أولاد بـدر شمعـة البدو والقـرى=إليا شب مـن نار المعـادي شموعهـا
فأقرهم التسليـم لـي وأنـت واقـف=وشمس الضحى ما بان منها طلوعهـا
واختـص حمـاد منـي هاشـل الثنـا=إليا غـار مـن نـو الثريـا لموعهـا
وحامي قصار الشبر عـن دارع القنـا=إلى ليموا من جرد الأيـدي صروعهـا
وقلـه كبـدي مـن زمـاني وجيـعـه=والأذنين منـي قـد تدانـا سموعهـا
وقل له راس العود منـي قـد انحنـى=ويا سالـم الجـارات عـن ما يروعهـا
وشلت العصا عقب القنا يا ذرا القنـا=أبـرى بهـا أقـدام كثيـر وقوعهـا
وبلغ سلامي لأبـو حسيـن ومـن لـه=يمين ٍ ترى زيـن المعانـي طلوعهـا
وليتـه مجلـوب ونشريـه بالـغـلا=بما حاشت أيدينـا وغالـي سروعهـا
ورعى الله أيام الصبا لو يرجعـن لـي=فهي من هوى نفسي وهي من طموعها
وصلوا علـى خيـر البرايـا محمـد=عدد ما لعى القمـري بعالـي فروعهـا

وهذا رد ابن عمه الشاعر الفارس / عبدالله بن زيزر الجميلي رحمه الله وأسكنه فسيح جناته عليه :-

أيا من ورقـا تالـي الليـل روجعـت=بجبـارة فيما عـلـى ما يروعـهـا
تغني بصوت ما درى عـن مصيبـه=أو البين شاظه لامها مـن ربوعهـا
فذارت عن عيني كرى النوم مثلمـا=تذير من عين الجـوازي رتوعهـا
فقلت لها إن كنت تغنيـن طربـه=فلا بد عيناك أن تجـارى دموعهـا
فإن كان غاضك فايت فات ما انثنـى=إلى حيث ما يدعى البرايا رجوعهـا
مضى ذا ويا غادي علـى عيهديـه=جماليـة كثـر السـرى ما يروعهـا
عليها ابن حيزان الهتيمـي مهـذب=منقلـة أمثـال طريـف سموعهـا
تلوفتهـا يـوم وتلقـى جمـاعـه=جميليـة ظـرب القنـا ما يروعهـا
حموا فرعة الهدار بالسيف والقنـا=وشـم ٍ شغاميـم تغـارا طلوعـهـا
فاختص مني غانـم هاشـل الخـلا=إلى سنة قل الجـدا مـن رموعهـا
ومنوة خطار لفـوا عقـب جهمـه=مقاديمها تشكـي حفاهـا وجوعهـا
يرحـب بهـم بتحيـة ثـم ينثنـي=ينبه ببيضاً بالعشاء مـن سروعهـا
ويحيـي بهـم بتحيـة مـع لباقـه=ونفس الفتى تعتاد ما فـي طبوعهـا
وقلـه شكـواه الـذي دز صوبنـا=إلى الله شكوى ما قضى من صروعها
شكا قبلك الزغبي ذياب بـن غانـم=مطفي من نـار المعـادي طلوعهـا
مقدام غلبا من هـلال بـن عامـر=منكث من ارقاب المعـادي دروعهـا
شكى قل سمع والضروس تناصلـت=وعينيه ماله مـن قداهـا دموعهـا
وزهدت فيـه البيـض ثـم اتركنـه=وهو كان ستر البيـض عما يروعهـا
وقبلك شكا ريـف المقلبيـن أجـود=مقـدم أسـلاف كـبـار جموعـهـا
فمن عاش بالدنيا ولـو بسطـت لـه=فلا بدما يشكي الردى مـن قطوعهـا
فليت الصبا يا أبـو حسيـن ٍ جلوبـه=بسوق الغلا يحكـم علينـا بيوعهـا
ونشريه بأرقـاب الزناجـا وسبّـق=وبأموالنا واللي بقى مـن خلوعهـا
ولكـن ما قـد فـات ما عـاد ينثنـي=إلى حيث ينصب للبرايـا شروعهـا
وصلوا على خيـر البرايـا محمـد=عدد ما شعق بـرق تـلالا لموعهـا
صـلاة وتسليـم وأزكـى تحـيـة=من الله مـا أذن للشمـس طلوعهـا

هذا والله يحفظكم ويرعاكم منقول مع خالص التحية وأطيب الامنيات وأنتم سالمون وغانمون والسلام .

مشكور وما قصرت ولا هنت