[جعد الوبر]

بسم الله الرحمن الرحيم

أخوي الكريم الأستاذ / أبو محمد القباني السلام عليكم ورحمة الله وبركاته وبعد : هذه قصيدة مشابهة مع اختلاف في القافية والروي والردف وقد رأيت بني هلال النخعية القحطانية أهل حضرموت يروجون لها على أنها من قصائد تغريبة بني هلال بن عامر في القرن الخامس وهي قصيدة العامرية من المنتفق في القرن العاشر الذين أخذوا ابن شبيب جد السعدون الأشراف من بلدته الشبيبية ببدائع القصيم أميرا عليهم علما أن أشخاص القصيدة معروف تاريخهم وأهمهم الضمين جد السدارى شيوخ الدواسر الأمير / عامر بن زياد البدراني الله يرحمه ويسكنه الجنة راع البدرية في الرين والتي انتقل منها أولاده إلى ثادق والمحمل والعارض والغاط وغيرها والمنتفقية العامرية تقول فيها :-

رحنا ورحلنا مساس مـن القسـا =رحلنـا شمـال والضعـون اتــذاد
والله ما هـو شفنـا يـوم زاعنـا =لا هو بمـن بغـض وضـد اطـراد
شح المراعي والظما يـوم ضدنـا =والبل تبي المراعي وشـربٍ بـراد
فليل بضـدا والظمـا مركـي بنـا =لـولا خـواويـرٍ بـهـن اجــلاد
وليل باحما وحما شحيحٍ مشاربـه =عليـه نـاسٍ بالشـروب ازهــاد
تواقف المظهور والنـاس صنتـوا =يبـغـون راي للنـهـاج ســداد
صوت عليهم محمي النـار للعـدا =سيـروا لـعـدٍ يذكـرونـه جــاد
وليلة وردنـا العـد عـد اّل زايـد =عـد إلــى نـهـا جمـامـه زاد
ضفنا وضيفنا ابن بـدران عامـر =حييـت يا غـمـر فـلاحـه بــاد
شيخ ذبح في الحال عشرين فاطـر =والأكبـاش ما يعـرف لهـن اعـداد
وكمل مزاهبنا علـى كثـر عدنـا =وخلا الجمـال تشيـل كثـر الـزاد
فلا ظل إلا ظل غـارٍ مـن الصفـا =ولا شيـخ إلا عامـر بـن زيــاد
ما هو يكف النشر من يمـة العـدا =ونشـر العـدا مـن لا إليـه ايـذاد
خذينا مـع أبو فقـار فـي الضحـا =عيـراتٍ لفنـا سيـرهـن اونــاد
وليل بدهو والحمل فـي نحورهـا =اجـداد أثاريهـن وهــن ابـعـاد
وليل بالحمـل والحميـل المسمـى =النثـر جديـد والعـيـون احــداد
وليل بماسـل ومويسـل وردنـا =سـود المغـارف غبهـن اجــداد
وليـل بالسـرادح لا علـه الحيـا =الشجيـر خـل والـمـراح شــداد
وليـل بحـدبا سوفـة المعروفـة =أصبح علـى جـو المـراح سـواد
وليل بشقـراء فاهقيـن أوشيقـر =وبـاع الصبايـا حليـهـن ابــزاد
وليـل بطـيء مشمليـن النـيـه =نبغـي اديـار بالمـسـاس مــراد
لا شك دهماء مسها السير والسرى =قامـت تـردا قربـهـا الحـصـاد
لعلهـا عـام مديـم مـن الحـيـا =تجـي لنـا دوم الحـيـاة ابــلاد
لكنهـا يا حسـرة القلـب نوخـت =وأنـا عليهـا حسـرتـي تــزداد
وقفت أهل الدمع من حـب ناقتـي =والحـب يفطـر مهـجـة الـفـؤاد
من لامني في حب دهماء يشوف له =غــال وراه بحـسـرةٍ وأنـكـاد
فحللتها والربـع قفـت ضعونهـم =خوفي عليها مـن الجـزم واجهـاد
حنيتهـا مـن حبهـا واختلاجهـا =طـول العنـاء للطيبـيـن ازهــاد

منقول وتقبل تحياتي .