[خيَّال الغلباء]

المشاركة الأصلية كتبت بواسطة مبارك مقين

أمر وألد وأسلم على شويه = لو كان محد درى عني ولا شافي
من حب أهلها على المعلوق ملتويه = قوم (ن) لهم في علاو المجد ميقافي
يوم الجهل والظما والذيب له عويه = يرعون قفر النبات بحم الأشعافي
قحص الرمك في الحمى تاخذ لها دويه = من فوق روس العدا تسعى وتطافي
نفسي على مدحكم بالحيل مهتويه = في مدح حاضركم وفي مدح الأسلافي
هذي طروق الوفا والطيب مستويه = أشوفها قدم عيني ما أنظر خلافي
لاكن يا هاجس الشعر أنجح الكويه = في شرد الغيد دام (ن) الهوى صافي
واطلع بنبنوبة (ن) في الري مرتويه = لجت عصافيرها في كل الأطرافي
خابرك تاصلها لو دونها هويه = لا عود اللي يبيها والقدم حافي
دايم عزومك على الصلفات مقتويه = حتى توقف على الحيران عطافي

أخي الكريم الفاضل الشاعر القدير / مبارك بن مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة الجميلة في أهل شويه ويستاهلون مكرمة الضيوف وياليتك مريتهم وإلا ياليتهم شافوك ولا ما تفتك منهم وليس الطيب عليهم بغريب ولك لغة شعرية عذبة لا تشبه أحدا إلا أن عليها بصمة خاصة للشاعر القدير / مبارك مقين وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .