حمام ياللي على خضر الجرايد تنوح = زودت منسوب همي وارتفع مستواه
هيضتني لين شحت الصوت بالحيل شوح = كما يشوح الهواء العالي جناح القطاه
الي نويت الفراق و قلت ابقفي واروح=يحن قلب العنا يامال قوم الخلاه
حنين خلجن تلاحا في الزمان اللحوح=داجت على مشربن قدنزح القيظ ماه
يصلاه يومن من الجوزى سمومه تفوح =تشره لشوي اللحم على مقاعي حصاه
كل السبب منك يالحظ الهبودالرموح=يهوزني بالسلاح إن عاف ضربت عصاه
يصك باب الرجا والياس برقه يلوح=يرزم مقاديم نُـوه ويتباكــــــــــــــــــــا قفاه
يمطر على ضامرن مجروح كله جروح= الصبر والوجد والحرمان بيح خفاه