[الخطر]

اهدي لاخ/ حمد ناصر مهنا العزة السبيعي
يا راكب من عندنـا فـوق فكسـار
جيـب جديـد تـوهـم جايبيـنـه
تـوه مـن اليابـان جابـوه تجـار
عبر البحر جابـوه فـوق السفينـه
فكسار لند كـروز عـداده أصفـار
وزود على الميـزات قـوه مكينـه
جيب على قطـع المشاويـر صبـار
فوقه شجـاع بالغـرض مرسلينـه
منصاك حر مكرم الضيـف والجـار
حراً على الطـولات طالـت يمينـه
حراً على ضلع المراجـل بنـى دار
مـا صـك بيبانـه علـى زابنينـه
تلقا الشحم والعود والبـن وبهـار
وفوق على طيبـه بلاجـه جبينـه
سلم عليه اعـداد مـا مـر مـرار
واعداد مـن زار الحـرم والمدينـه
وعداد روج الموج في كل الأبحـار
واعـداد حـرف بالـورق كاتبنـه
هذاك أبو مهنا حمد وافـي الأشبـار
يالله يـا ربـي تـطـول سنيـنـه
منصى وملجى من شكى جور الأمرار
سعد الضعيف اللي طوتـه الغبينـه
ما كنه إلا الغيـث لا هـل بأمطـار
بهجه كبـود مـن عناهـا حزينـه
ربـاه عـودآ للمواجيـب خـسـار
بالطيب والنخـوه وكسـب الثمينـه
أبوه ناصر راعـي الطيـب والكـار
حـاش المراجـل دقهـا والمتينـه
ما كنه إلا سهيل في كـل الأقطـار
إن غاب يفقد وإن حضر حاسبينـه
من لابـه تاريخهـا جالـه أخبـار
بأيمانهـم فعـل الوفـا كاسبيـنـه
من ربعنا العـزه بعيديـن الأنظـار
كم هاقيـن عـن هقوتـه مخلفينـه
وعلى النبي صلى عدد سايـر سـار
وعداد نجمـن بالسمـاء شايفينـه




ابيات من / هزاع السويدي السبيعـــــــــي