[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : بمناسبة حلول عيد الفطر المبارك إليكم هذه القصيدة المعبرة بقصتها المسموعه بصوت الراوية / محمد الشرهان للشاعر الكبير / صقر النصافي رحمه الله وأسكنه فسيح جناته ويقول فيها :-

يا علي خل العيد لأم الدناديش= اللي تنظف كل يوم (ن) جسدها
تبغي تماري ناقضات العكاريش= في كل ملفاح تنقض جعدها
العيد عيد الله ولو فات حتيش= من حسبة أيام (ن) يمرك عددها
نبي نعلمك المساري على الجيش= تمشي ذلولك لين يفتر جهدها
خابرك منت بضاري للمطاريش= نبيك تونس حلوها من نكدها
ليله على مسرى وليله مغابيش= وليله نخلي نومها لمن رقدها
وليله على تمره وليله على عيش= وليله نوكلك اللحم صيد يدها
يا علي لا جيت العرب لا تجي ديش= خبل إليا جاب السوالف سردها
احفظ لسانك لا يجي فيه تبطيش= تصبح عيونك كايدات رمدها
يجيك من ينشدك نشدة تفاتيش= يبي يسنع هرجة يعتمدها
خله يقوم مفلت في يده ريش= يروح منك وحاجته ما وجدها
ترى دعابيل الخبول الفوانيش= تبدي بما فيها ولا أحد نشدها
يجيك واحدهم يورش تواريش= سحابته يسبق مطرها بردها
اللي لغمقات السوالف مناقيش= قراية الكلمه على أول عددها
تجي سوالفهم بضحك وتبهيش= وقلوبهم ما أحد يفكك عقدها

= :: [ صوتيه للروايه / ابن شرهان ] :: =



للحفظ حفظكم الله

وكل عام وأنتم بخير وصحة وسلامة هذا والله يحفظكم ويراعاكم منقول مع خالص التحية وأطيب الأمنيات وأنتم سالمون وغانمون والسلام .