يالله ياللي كل الامة ترجيك
ياللي عبيدك في المشاعر تناجيك
في كل يوم وكل ساعة تناديك
مناسك للمسلمين معلومه
تحفظ بلدنا من عبث كل حاقد
ومن كل مطفوق ومن كل حاسد
لا صار للاحسان والبر جاحد
وترد في نحر المعادي سهومه
ومن بعد ذكر الله بديت بمرادي
اللي على بابه نمد الأيادي
واطلبه يهديني طريق الرشادي
وغير النبي كل نفس ماهي معصومه
اهدي سلامي للمليك المعظم
اللي لفعل الطيب دايم مقدم
وبتاج المعزة والشجاعة ترسم
ونفسه على روس المعالي ترومه
فعايله كل وقت ماهيب سهلة
ودايم على شعبه عطاياه جزلة
كثيرة دايم ولا هيب ثقلة
ونفسه عن اللي ما يسر محشومه
ومن بين كل الشعب وبدون تحديد
اسبق من الخيل الأصيلة على البيد
حبيت يابومتعب اهنيك بالعيد
واقول مبروك عليكم قدومه
يابن الامام اللي به الامن سايد
حقك كبير ما ينحصر بالقصايد
وحبيت اكون اول مواطن يعايد
ادعي عسى ربي علينا يدومه
الله يعيده دايما بالمسرات
للمسلمين بدون شر ومضرات
ولدولة التوحيد خاصة وبالذات
عن كل شر سالمين وهمومه
وعيدك مبارك ياولي العهد سلطان
الله يحفظك من منافق وخوان
جمايلك ما هي تقدر بالاثمان
على سلوم اهل المعزة سلومه
فعل الجمايل له سلم وطبيعة
وديعة يازينها من وديعه
ينصاه من ضاقت عليه الوسيعة
ان جاها ابوخالد تروح معدومه
ـــــــــــــــــ
سلطان بن سعود بن مفرج ابو ثنين