[ابن بداح]

سلام يارمز التواضع والاخلاق = راع المكارم والفؤاد الصريحي
اللي لذكره دايم القلب مشتاق= لاقيل من هو قلت زيد المليحي
شيخٍ يسجل له من الشعر ما لاق= يكتب ويقرى بالنبط والفصيحي
عندي على مدحه شهاده وميثاق= ويشهد لقولي كل وجهٍ فليحي
جيته وذاك الحمل مرهقني أرهاق= وأبديت سدٍّ ما لغيره يبيحي
قال الشحم والبن والطيب ينساق= مع فزعةٍ ماهيب فزعة شحيحي
قلت أشهد انك من عريبين الاعماق= وما قيل فيك من المراجل صحيحي
لك رايهٍ بيضاء على رؤس الاشهاق= ترفع وتبقى عاليه ماتطيحي
وأبيات شعري فيك عجلات وسباق= والمدح ما يزهاه غير المديحي
أهدي لك أبياتٍ رفيعات الآذواق= ماقلتهن لدّهلوي والفتيحي
أقولهن للي على المجد تواق= وزنده لفعل الطيب يقدح قديحي
من رؤس غلباء يوم نشفات الارياق= ميزانهم بين القبائل رجيحي
يامن لصعبات المناويل عشاق= أفعل فعائل زيد وإلإ أستريحي
وأحذر تراء ما ينطحه كود عملاق= ولا ضنتي له بالمكارم نطيحي
صلوا على المختار ما لااح براق= وسط الخيال اللي مزونه طفيحي