[وطبان]

بسم الله الرحمن الرحيم

قصيده الشيخ / مناحي بن هاجد بن جروه السبيعي في الشلاوى :-

الفكر هاض وهيضته الهواجيس= وركز على مدح الشلاوى جوابه
مدح (ن) صحيح ولا يجيبه هواجيس=ما هو بنوبه بس مليون نوبه
يا مرحبا ترحيبة مالها قيس= واعداد ما تمطر مناشي سحابه
وعد النجوم وعد دار الطعاميس= واعداد ما يوطى القدم في ترابه
ياللي بنو مجد قوي المقاييس= تاريخهم في نجد كل (ن) درابه
والاسم شايع وشوعته النواميس=ناموس (ن) أبين من نوازي هضابه
وياما رعوا مع خايع (ن) ما بعد ديس=ما فيه كود الصيد هو والذيابه
وياما أتعبوا من اّكلات المضاريس= خيل (ن) على نطح العدى ما تهابه
في الدين خلو عابدين الكوانيس= راحوا مع اللي يتبعون الصحابه
والاسم شاعوا به بعاد المراويس= وراحو أبا الحارث شلاوى غصابه
واللي مكذبني ترى ما معه قيس= ينشد هل العارض وينشد شبابه
وبنيوس فيهم متعبين المحاميس= نطاحت العايل نهار الحرابه

صح لسان الشيخ / مناحي بن جروه وبيض الله وجهه على هذه القصيدة المعبرة والتي قالها ترحيبة بالشلاوى بمناسبة عزيمة اّل جروه والصمله من سبيع الغلباء للشيخ / عيد بن رجاء الشلوي وربعه ذوي حطاب في مدينة جدة بتاريخ 27-8-1430 هـ وفي نفس الحفل ألقيت هذه التسليمة باسم الشاعر / فالح بن ضبيب الشلوي واسم من حضر من قبيلة ذوي حطاب :-

بــديـنا واســتعـنا بســــم رب ٍ خــالــق الإنســــان = وتـــوكـلـنا على الله ربـنـا المعـــبــود والـــوالي
سـلام الله سـلام ٍ للجــمـيـع بحـفــلة الســبـعــان = بني جــروه شيوخ اّلاد صامل وأهل الأفعالي
حضـرنا تلبية دعـــوة شــيــوخ ٍ تكـــرم الضـيـفـان= أقوله عن ذوي حطـاب لآبه من بني شــالي
نبلغـكم سـلام من أهـل أبـو راكـه) وأهـل ميسـان = وقبائلنا بني الحـارث من أهل سهـول وجبالي
تقدمـنا أبو ضـاوي وأبـو بـنـدر عيــد والأعيـــان= رجـــــال ٍ في المبادي والمـواقــف تحتمي التالي
على ســلـم الجـــدود الأولـه من مــاضي الأزمــان = ورثـــنــاهـا ونـــــرثـها بعـــدنا لـكـل الأجــيــالي
لـفـيـتـونا ولـفيـناكـم على التــقــديـر والصفــطـان = وعلى مبدا الكـرامـة والشحـم والمـــر والحـالي
يشــرفــنا مشـاهــدكم يا روس القـــوم والشيـخـان = ويسعــدنا مـواصـلـكم رجـــال وقـــدركم عـــالي
يا روس اللابه أهـل الطيب والفــريس والشــجـعـان = لكــم تـاريـخ مشـهــود ولـكـم بالمـجــد منــزالي
لـكـم قـــدر ولـكم صيت ولكـم بين القبــائـل شــــان = ولا يا عـزوة الغــلـبـاء ونعم أفعـال وأقــوالي
وأنا ابن ضبيب ما أقول القصيد إلا على البرهان = كـــلامـي مثبته يا ســـبـــيـع ما قتـلـها يـــورالي
ونعـــم ٍ بالقبائل والحمـــايل حضــر (ن) وبـــدوان = وأكـيـد لكــل ديــرة حــقــها مـن طيب ورجــــالي
تحت حكم أهل العوجاء حماة الـــدين والأوطــان= ملـوك المملكة فخـر العـروبة نسل الأبطـــالي
عســاه يعيش أبو متعـب ويسلم سيدي سلـطــان= وفخر الأمن نايــف وابن فيصل طيب الفـالي
ونقـول الله يبيض هـالـوجـيه ولا حــصـل نقـــصـان= مـقـــام ومــوقـــف ٍ عــــز الله إنه يشــرح البالي
ونرفــع يا سـبيـع إلكم جـزيـل الشـكـر والعـرفــان = بسم عيد وذوي حطاب لابه من بني شــالي
وتحـياتي لكل الحــاضــرين بحـفــلـة السبعـــان = وصـــــلاة الله على شـــفــيعــنا بالأول وتــــالـي

منقول وتقبلوا تحياتي .