[خيَّال الغلباء]

بسم الله الرحمن الرحيم

بديت بخالقي رب البريه=كريم الجاه علام الخفيه
ومن بعده سلام الله عليكم=عدد ما هل مزن العقربيه
سلام الله عليكم يا جماعه=سلام اسلام وأثني بالتحيه
أنا شاعر ومثل كل ربعي=وربعي عزوتي يوم المنيه
هل الغلباء سبيع أهل الفعايل=حزامي فالليال السرمديه
ليا مني ندبت وقلت ربعي=على الفزعه سريه في سريه
يكفينا ليا ذكر السبيعي=تهز الأرض هزه عالميه
مواقفنا تشرفنا وحنا=هل المدات جزلين العطيه
فعايلنا لها تاريخ مثبت=فعول سبيع في نجد العذيه
نشوش إليا سمعنا بالعزاوي=على العدوان والنيران حيه
على الموت الحمر نمشي سرايا=ولابه واحد يهاب المنيه
خلقنا الله على المخطي عقوبه=نوقف بالسيوف الصيرميه
ولابه قاصر في هالقبايل=نوفي حق راعيين الحميه
وختام القول باقي بيت واحد=بقوله يالربع حق عليه
أنا شاعر ومثل كل ربعي=وعسى كفي معا ربعي نديه

أخي الكريم الفاضل الشاعر / سعد بن سحمي المحمدي السبيعي نبع الوفاء السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شانك على هذه القصيدة الجزلة العبرة بالفخر والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والامتنان مقرونا بجزيل المحبة والاحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .