[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة المعبرة والجملية في الاستسقاء لأحد شعراء قبيلة سبيع بن عامر الغلباء وقد وجدتها مهملة القائل في بعض المنتديات فنقلتها لكم فصح لسان شاعرها وسلم نبضه وبنانه وإعتلا شأنه على هذه القصيدة الرائعة ويقول فيها :-

سهيل طاف وشرف الوسم بعدهـ =يا عل وبل الوسم يسقي المصافيح
ويملى فياض يختلط عشب نبته=الرقم والحوذان والربل والشــيـــــــــح
ونبت العيينه والكحل لا تبعته=مع الخزامى والنفل طيب الريــــــــح
روض (ن) كما زولية (ن) لا طرحته =متخالفات ووردهـا كالزنــانــــيــــــــح
ونبت الرقه والفقع يا حلو نبته=ومخالطه عود النصي بالمصــــافيـــــــح
أشجار طلح طاغي العشب تحته=لاهب نسناس الهوى عــط بريــــــــــــــح
وفيضة مد النظر لا دخلته =فيها الطيــور فروق ورد ومســــــــــاريح
ودلال كالرسلان إذا وضعته =شبيت نار ونجرهن دايـــم يصيـــــــــح
ومحماسه والشاذليه نصبته =وفنجاله لا صب دم المذابــــــــيــــــــح
وبهارهن هيل من الهند جبته =مع زعفران (ن) لرجال المفــاليـــــــــــــــح
وهاذي على جمرهـ وهاذي فهقته =والعود الأزرق بينهن فايح الـــــريـــــــــح
وخسارتك لضيف ماكد حسبته =ورزقك على والي النجوم المدابـيـــــــح
وهاذي اسلوم سبيع منهم كسبته=قروم العيال عندهم هبة الـــــريـــــــــــح
وطيب طبع أجدادنا ما استعرته =يكرّم ضيوفه بالليال المشاحـــــــيـــــــح
وبكاركم للضيف لا جاء حلبته=وأذوادكم عفرن اسواة المواضيــــــــــــــح
ويا رب هات الغيث منك طلبته=ويهل وبله المخايل مراويــــــــــــــــــــــــح
وصلاة ربي عد خضار نبته=واعداد ما نضم الخرز بالمسابـــــــــيـــــــــــح

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .