السلام عليكم ويا مسلط بن عمران انا اخالفك الراي والشخص اللي اسمه سياف لاله ناقه ولا جمل في سبيع وبترزه بكلامك هذا مردود عليك وانت معروف عنك طمس الحقائق وسرقها لك وانت مالك شي من الاساس - اما الدغمان والنعم فيهم من عرض فريس سبيع اما شيخه خلها عنك خل الشيخه لهلها يا مسلط ودور غير هالكلام الفاضي .ز, ومناخ الرضيمه ليس سبيع فيه دخل من الاساس ولا لهم مصلحه في دخول المعركه ولكن بحكم علاقة الشيخ فهيد الصييفي بابن عريعر وهو صديق مقرب له خلا سبيع تفزع لبن عريعر بحكم الصداقه وسبيع اللى شاركة مهيب بني عمر كلها مغير الخضران واكثرهم النبطه ربع فهيد الصييفي , اللى يقول سبيع حاضره كلها يجهل تاريخ القبيلة يقولي وين الصعبه هاك اليوم وعلى راسهم الجمالين مرجحة الموازين .؟
( وقال أحد شعراء العجمان في مناخ الرضيمة:
لو أن قومي قليل كنت أحسبهم *** تسعة جموع يبذون الحساسيبي
عينت الأدغم ومجلاد ذبحناهم *** ..................................
بصراحه انا اشك في حقيقة هذه الابيات واذا انك صادق في هذه الابيات عطني اسم الشاعر كاملا حتى اعرف من القائل ومنه منه ونسال عنه رواة العجمان الصادقين لان تحريف القصائد لم تسلم منك ).
مناخ السبيه تبي تحط لك شي من لا شي مسكين يا مسلط الشيوخ الموثرين في وقت السبيه هم الشيخ مطلق المصخ شيخ العرينات ويلاديه الشيخ فهيد الصييفي شيخ النبطه ويعتبر كبير الخضران وقائد سبيع في السبيه هو الشيخ عساف ابوثنين شيخ الجمالين ويعتبر كبير الصعبه هو اللى عنده الحل والربط وبيته هو مكان الذخيره اللى يتزودون منها للسلاح _ ولا ننسى دور وفزعه بني عامر وعلى راسهم العماني شيخ بني عامر ولا ننسى دور وفزعه السهول والقرينيه في هذا المناخ الكبير اما بيرق الامام فيصل ين تركي لا احد ينكره وهو المخطط الرئيسي والسياسي للمعركه وعساف ابوثنين هو اللى قاله ابي حضك مع حضي وترانا اذا اجتمعنا بنقهره او بنكسره يقصد بن عريعر .
في النهاية اكتب يا مسلط بن عمران ما يحلو لك في هذا النت من طمس للحقائق اللى التزوير في الافعال والتغير في الاسماء والتغيير في مشائخ القبيله والقصائد وتحريفها وبدعها كل شي تقدر تسويه في هذا النت ولا عليك من فلان ولا علان لانك عرفت تاريخ سبيع من رواه صادقين من زمان واكثرهم قد ماتوا اذا مهوب كلهم الله يرحمهم ويغفر لهم ومفكر نفسك لوحدك في الساحه وبتحاول تغير ما يمكن تغييره لصالحك ولا حسيب ولا رقيب الا من الله سبحانه وتعالى فاتق الله في نفسك من النار وانت رجل تدعي الدين ....