[حزم الجلاميد]

المشاركة الأصلية كتبت بواسطة مخايل الغربي

بسم الله الرحمن الرحيم

السلام عليكم هذي سالفة رويلي أول مرة يسافر بالطيارة يسمع بالطياره ولا يدري وشهي الطيارة الزبدة قاله خويه الطيارة سريعة وتوصلنا لمكاننا اللي نبيه بسرعة لا إشارات مرور ولا زحمة استانس الرويلي قال : يالله أبا أجرب وأسافر بالطيارة غير أسافر بالطيارة قال : له خويه ما هي مشكلة نسافر بالطيارة ولا يهمك واركبوا الطيارة ويوم طارت وهو يذل وحرم إنه يركبها بعدها طبعا الرويلي من أهل القريات والقريات مثل ما أنتم عارفين بها مطار سافر منه والقصيدة تقول :-

وادعت ناصر من مطار القريات = يوم اركبتنا الطايره واشلعتنا
لفت ودارت وامرقت بين لحظات= لولا الكراسي والمحازم رمتنا
طاروا بنا حمر العلابي خواجات= صفر العيون وجيههم هولتنا
جانا المضيف قال : وش من خدمات =قلت انزلونا ابطونا موجعتنا
تكفى تشهد يا فهد واقر الاّيات= الموت جانا والظروف أجبرتنا
من قبل أشوف الغيم دون السموات= واليوم أشوفه يا فهد من تحتنا
عز الله إني ما حسبته حسابات = وإلا ترى سيارتي موصلتنا
يا زين ممشى الأرض لو هو مسافات= بكل شعيب مسويين قهوتنا
وش جابني للطايرة والمطارات= والله فلا أعود اركوبها إن حلوتنا
لو تنفجر قامت تذيع المحطات= رح عاد دور قشنا مع جثثنا

هذي القصيدة يا إخوان وتراني ناسي بعض الأبيات منها فالعذر والسموحة منقول مع خالص التحية وأطيب الأمنيات وأنتم سالمون وغانمون والسلام .

مشكور وما قصرت ولا هنت