قصيدة لافي الغيداني في المسابقة
نشاء غيم الفرح من دولة المغرب وبرقه لاح=يبشر بالمطر غيم الفـرح شعـب السعوديـه
تغنى فالبشايـر للخمايـل طيرهـا الصـداح=وتراقص وردها نشوة طرب ماهـي طبيعيـه
صداء أصواته يرددها الجبل ..ويخلي الفـلاح=يغنـي بالحـون السامـريـه والهجينـيـه
أناشيده يرددها سعـاده مـن كثـر مارتـاح=على طاري خبر شفاء ..الامير وحروة الجيـه
شذى خبر شفاه اعشوشبت من طيبه الارواح=ياحيه من خبر على قلـوب الشعـب ياحيـه
على اراضي مسامعنا خبر شفاء سموه طـاح=كما يطيح المطر..وتربـع الارض السناويـه
ابو خالد هنا بارواحنا يسكـن لـو انـه راح=يعيـش بداخـل ارواحٍ مشاعرهـا حقيقيـه
نشاركه الألم من قول (الآه) لمشرط الجـراح=لان قلوبنـا مـن طبعهـا بالعاطفـه حـيـه
متة نستقبلـه ونقبـل متونـه نـدي الـراح=بقصر العاصمه..غيـث الفقـارى والغناويـه
ومعه نستقبل أمير الرياض ..ونعلن الأفـراح=اخوه ..اللي وقف في جانبه وقفـه إنسانيـه
بعد شفي الأمير من المرض يلزمني الأفصاح=وافشاء سر الشفا اللي نسبته ماهـي بعاديـه
ترا سلمان بن عبدالعزيز ..الحـاذق اللمـاح=من اسبابه..بنسبة تسعه وتسعيـن بالمائـه
تعلمنا منه كيف الاخو يصبح لاخـوه سـلاح=ليا شتدت رياح ظـروف الانسـان الحياتيـه
رجاء رجوعهم طير الوله ..وقلوبنا الملـواح=وعلى الصبر اطول من اللي مضى ماعندنا نيه
لو إن الادمي له من يمين ومن يسار جنـاح=لك الله مابقى من الشعب واحـد بالسعوديـه
وهـــذه خمسة أبيــات لمجاراته لأبيات الشاعر (خليل الشبرمي)
الشبرمي يقول :
اهلاً هلا ماهـل وبـل الهماليـل=وأهلا هلا مالاح بـراق بخيـال
سلطان سلطان السخا حاتم الجيل=يامزن جودٍ دايم الـدوم همـال
مجاراة لافي :
غيث يسابق وبـل هتانـه السيـل=يروي ظما كبود العطاشا ليا سـال
طول غياب اكبر إعداء الفقر بالحيل=اي والله إن غياب رمز الوفا طـال
نجم معه وش قيمة الجدي وسهيل=ماينحجب وجهه رغم سوأ الأحوال
شوفه حصيل مدورين المحاصيـل=الله يـرده للوطـن طيـب الفـال
مابه غيـاب الا غيـاب الرياجيـل=اللي لهم في قمة المجـد المنـزال