[خيَّال الغلباء]

السلام عليكم ورحمة الله وبركاته في البدايه أتوجه بالشكر والتقدير لكل من شارك في هذا الصرح الراقي وأدعو الله عزوجل أن يوفقنا جميعاً إخواني الأفاضل هناك بعض القصائد لا تحتاج إلى مقدمة لما تحويه من الجزالة والإبدااع وقصيدة الألفيه لــ / محسن الهزاني أرآها قد فاقت الإبداع إليكم القصيدة وأتمنى أن أكون وفقت في مشاركتي :-

ألف وليف الروح قبل أمس زرناه= غرو ٍ يسلي عن جميع المعاني
والبا بقلبي شيد القصر مبناه = وأدعي مباني غيرهم مرمهاني
والتا تراني كلما أوحيت طرياه = أفز لو حلو الكرى قد غشاني
والثا ثلوم القلب ماحد ٍ بـ يرفاه=إلا إن خلي من عذابه سقاني
والجيم جيته ما تردّى لمن جاه =يقول : حي اللي عنالي وجاني
والحا حليّه يم نجران مرباه = ريم ٍ على نبت الدعث والمجاني
والخاء خليلي ما تجارح سطاياه = بضامري علـّــق سطير العراني
والدال دوك القلب من حرّ مسطاه = جرح ٍ فلو جبت الدوا ما شفاني
والذال ذهب الحواجر بيمناه = أصابعه تزهي الخواتم ثماني
والرا روايح ريحة المسك وإياه =ريحة زباد ٍ فاح أو زعفراني
والزا زبر جمعه ولا أحرز ملاقاه= مال اجنبيّ يقول راعي المجاني
والسين سمّ الحال والعقل بصباه= بأربع محاحيل ٍ تجرّ السواني
والشين شبّهته طليع ٍ بحرياه =ما يشرب إلا درّ عرب ٍ سماني
والصاد صاب القلب بالدرج ما أخطاه =قلت : آآه وا عزآه دمي كساني
والضا ظبيان المها كلها فداه = ويلاه من ربي بحبه بلاني
والطا طويت الياس منّـه ورجواه =لو كان ساعفني فـ باكر جفاني
والظاء ضنيت حالي ولا فاه =قلت الوداع وقال هذا مكاني
والعين عامين وأنا أدور لاماه =أجيه حذر ٍ إلى غاب القمر والهداني
والغين غاب وفسّد الترف بعداه=أجيه حذر ٍ بالغبا والبياني
والفاء فكّر ويش رايه وطرياه =هو حبّ قـلب ٍ لو مودّة لساني
والقاف قـلت اقـلط واخذ ما تمناه =ما شاف غطروف ٍ صخيف الثماني
والكاف كيفي طاب والحمد لله =إلى حصل قصدي ترى العمر فاني
واللام لايمني عسى الويل يفجاه= ما شاف الذي ربي بحبه بلاني
والميم ما والله لقينا حلاياه= لا في البدو يذكر ولا في المباني
والنون نوره من سرى الليل قدّاه =مثل الفنر وإلا القمر يوم باني
والواو يوم ٍ على السطح وإياه = أشرب من مبيسم رهيف الثماني
والهاء هيـّـضني بها زين شقــّـاه= كنه لطرّاه الهوى معشراني
ولام الف لايمنى صفعته وقال آآه = لا يا بعد من لي قريب ٍ وداني
والياء يسقــّـيني معسّـل شفاياه = ولو جفيته عايفه ما جفاني

اعذروني على الاطـالـه والله يرحم / محسن الهزاني ويرحم أمواتنا وأموات المسلمين اللهــم آآمين .

الأضجم جزاك الله خيراً ولا هنت