[ابن قطنان1]

: المشـراف :.


أصعـد ( المشـراف ) يـا شعـري وذبّـه
أنـت اكبـر مـن محيـطـه وارتفـاعـه
مركـبـك هبـايـب افـكـاري تـهـبّـه
و( البحـر ) ميّـت علـى فلـة شـراعـه
و( السمـا ) تشتـاق لـك شـوق الاحبّـه
لانّــك تحـجّـم فضـاهـا واتـسـاعـه
خـش تقصيـري !! عـن عيونـي وخبّـه
خلّنـي كامـل مـع التفكـيـر .. سـاعـه
ليـن اسـوي منـك : دافـع للمسـبّـه !!
لكـل فــارغ ودّه : يـمـارس ضيـاعـه
اشهـد ان بعـض الشتايـم .. مستحبّـه !!
الدلـيـل القـاطـع لطـيـب البضـاعـه
يـا تعـب حالـي ويـا حـالـي وطـبّـه
والله ان كنّـك اخـوي مــن الرضـاعـه
اتنـومـس فـيـك وانـــوّه وانـبّــه :
انحـدار الطـرح فـي جيـلـي إشـاعـه
أعشقـك .. ومخالـفـك ربــي وربّــه
بيـنـي وبيـنـه مـجـافـاه وقـطـاعـه
الكـراهـيّـه ضـريـبـه للمـحـبّـه !!
فلسـفـة شـاعـر وتوظـيـف لقنـاعـه
كـل شـي ٍ نكـرهـه عكـسـه نحـبّـه
مثـل كـره الخـوف حـبـا ً بالشجـاعـه
جـايـز اربــاك العـقـول المستـتـبّـه
بالـدهـا و العنجـهـيـه واللـكـاعـه !!
مير قلب الشعـر : ( غصـن ٍ ) مـا لعبّـه
غيـر ( نسنـاس ) الرقـي والاستطـاعـه
يـا أولــي الألـبـاب والإبــداع لـبّـه
في اكتشاف ( الدارج ) و ( حُسن ) اختراعه
والأكيـد : ان الـدرّر فـي كــل غـبّـه
وكـل ٍ ونسـبـة ذكـائـه واطـلاعـه !!
والمهـم : مـوت النهـر فآخـر مصـبّـه
النـهـايـه المنطـقـيّـه لانـدفـاعـه !!


.: بحــة الــ ش ــوقـ ..!!! :.


تـعـال اغنيـلـك الـمـوال وغـيـابـك
للشـوق ( بحـه ) تميـز نبـرة اشعـاري
زهبـت عـذري وردي لاابتـدى عتـابـك
كم لي افكـر شقـول ان قلـت شالطـاري
بقـول مشتـاق للطعنـه مــن اهـدابـك
ومشتـاق اكثـر لقولـة باخـذ بثـاري !!
وبقـول مليـت مـدري ملـنـي بـابـك
من غبت دونه وقـف عمـري ومشـواري
مغير اسولف لـه اللـي صـار باسبابـك
وارمـي عليـه الشقـا والهـم واعـذاري
من غير لا ادري اجي وان قال وش جابك ؟
قمت اتساقط علي مـن ( غيمـة افكـاري)
ليـن اتبلـل (( ولـه )) واطيـر اسرابـك
وتـروى عصافيـر فرقانـا مـن انهـاري
وارد ميـت عـطـش واقـلـب كتـابـك
واقرى حكايـة سـراب ٍ عـذب ازهـاري
شفنـي ذبلـت وطفيـت وجيـت ابحيابـك
عمـري دفعتـه ثمـن دربـي ومسيـاري
امـا تخلينـي احـيـا فـيـك وابقـابـك
ولا تـاكـد وفـاتـي آخــر اخـبـاري
ابك انت مـره طرالـي احـرق اعصابـك
طاوعت فكري عليك وجيـت لـك سـاري
فكـرت ابيعـك وابعثـر بالمـدى اطيابـك
عقلي نواها وقلبـي قـال انـا ( شـاري )
ورديت احسك بصدري واحسـب احسابـك
انـي زرعتـك لقـا وابقطـف اثـمـاري
والـيـوم دام المـسـا تــوه تغـنـابـك
اقـررب مدامـك لحـن تشتاقـه اوتـاري
ابعـزفـك للقصـيـد الـلـي تسمـابـك
وشب لـك داخـل بحـور الشعـر نـاري
واسمعـك مـا كتبتـه لـيـن ( ينتـابـك
غرور ) واسمـع كـلام ٍ عـده اجبـاري
لاصـرت انـا والقلـم والدفتـر احبابـك
يحـق لـك لـو تقـول ان الشعـر داري
ما قلتهـا قصـدي انـي اكسـب اعجابـك
لكنـي بـهـذي ادري ويــش مـقـداري
الصعب جذاب وانـت الصعـب يزهابـك
وانا علـى الكايـده يـا عاشقـي ضـاري
وان جات للجـد لـه لـذه تـرى غيابـك
شف ( بحة الشوق ) كيف تميز اشعاري ؟؟


.: لا يطـوّل سكوتـك :.


لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا
خلـك علـى خبـري وظنـي وهقـواتـي
خابرنـي الضيـق والضيقـات خابـرهـا
وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا
تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!
ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا
لا يـا بعـد شهرتـي واعظـم نجاحـاتـي
وكل القصايد مـن ابسطهـا ليـا اشهرهـا
ولا يـا بعـد مـن يــدوّر لانكسـاراتـي
شعّار سبب وجـودي ضيـق خاطرهـا !!
انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها
يـا اوّل وآخـر قصيـدي وآروّع ابيـاتـي
محـدٍ يحـب القصايـد كثـر شاعرهـا !!
مـا فـاق حبـي لـك الا حبـي لـذاتـي
يعنـي احبـك محبّـه مــا اتصـوّرهـا
يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا
واغلى من الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا
وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا
واطهـر حكايـة محبّـه فـي حكايـاتـي
مـن قبـل لا عيشهـا حسّيتـك اطهـرهـا
لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا
ولا تضـايـق لـيـا كـثّـرت جـيّـاتـي
ضيّعـت فيـك السنيـن وجيـت ادوّرهـا
تـعـال رتبـنـي ورتــب حسـابـاتـي
او تدري شلـون ؟! رتبنـي و بعثرهـا !!
مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا
اكبـر عيوبـي : بديتـك مــن نهايـاتـي
واكبر عيوبك : لقيـت اوّلـك بآخرهـا !!
يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!
مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخرهـا
رجعنـي لوقتـي او رجعـلـي اوقـاتـي
عاميـن تنطرنـي .. وعاميـن ناطـرهـا
وتقـبـل الــود والشـكـر وتحـيـاتـي
يـا ساكـن الـروح والـروح ومشاعرهـا
وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا
لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !!

.: حمدان :.


حمدان حبْ لي راس ابوي ان جيتـه
وقله : لا يحمل هم .. مـن زلّوبـي
الطيـب يكفـي ... مـده ومديـتـه
واني على دربه .. مشيـت دروبـي
ولا يهـمّـه صـاحـب ٍ عـديـتـه
في ما مضى اقرب علّي مـن ثوبـي
فـالمرجله والطيـب ذايـع صيتـه
ما اقـدر اذمّـه واكسبـه فـذنوبـي
لو حلفونـي حلـف .. مـا ذميتـه
لاقـول والله ضامنـه فـجيوبـي !!
والمشكلـه علـى البـشـر بديـتـه
وفـاللازمه صد وترك ماجوبـي ؟؟
على آخر ايامـه تـردّى .. ليتـه :
حشّـم بقايـا عمّـره المحسـوبـي
يـا كبـرهـا بحـقـه اذا مريـتـه
بيشوف تقصيره معـي عذروبـي ؟!
علـى العمـوم الاخ ( ذا ) شلّيـتـه
من بالـي ويانفـس عنّـه توبـي !
حمـدان راس ابــوي لا حبيـتـه
خلّـك اوّزانـه .. سمّعـه مكتوبـي
قله : محمـد قـال : فآخـر بيتـه :
(( لا يستضيـق وربعنـا هلّوبـي ))
يـا كـم وفـي ٍ بالوفـا جازيـتـه
بنفس الوفا جازاك .. فـي مطلوبـي
وقلـه محمـد مثـل مـا وصّيـتـه
على يدك .. واسلوبي هـو اسلوبـي
وان الشعر يبطي وانا مـا اخطيتـه
هزله عدوّي و اجزلـه محبوبـي !!
وانـه طرالـي ذا المسـا واهديتـه
بيتين صاروا .. ( مشرقي وغروبي )
لو كـل شخـص اصادفـه خاويتـه
ما كان لا جيت العـرب فزّوبـي !!
ولوكـل مايطـري علـي سويـتـه
غطا على طيبـي كثيـر عيوبـي !!
واسلم وسلـم لـي عليـه ان جيتـه
والله يجازي كل .. مـن زلّوبـي ..


.: ول ياكبر القهر :.


ول يا كبر القهر لا صار مـا باليـد حيلـه
والجروح من القرايب والخطا مني وفينـي!!
ان نويت اشفي غليلي ما لقيت ايـة وسيلـه
كيف ابلقى دام جرحي سبته طعنه يمينـي؟!
وان نوت تبكي عيوني صارت الدمعه بخيله!!
كبرها لامن تجمع هم قلبـي وهـم عينـي..
ياهموم(ن) بي تعـدت حدهاصـارت ثقيلـه
اخذي مني كم سؤال ولو سمحتي جاوبيني..
ليه من بعد الوفا والطيب وفعـول(ن) جليلـه
من يدين اللي حشمته اول عونـي تجينـي؟؟
وليه لاضاق الفضا في عين من خانه دخيلـه
مالقيـت الا الملامـه انتهيهـا وتبديـنـي؟!
ياهموي ياجروحي يا صدى الـروح العليلـه
والله ان الظلم قهره قيّـد لسانـي ويدينـي!!
يوم قيل اظر حسودك زاد في قولـه وقيلـه
ما طرالي غير قولت آآآخ يا دنيا ارحميني..
ان تكلمت وحكيت وجبـت برهانـي ودليلـه
ما تضرر كود منهو قـد لفانـي منتخينـي!!
وان سكت وقلت هانت هم وسنينـي تزيلـه
اكتشفت ان السنين تزول والهم محتوينـي!!
بس لجل اللي انتخى في جد جـدي والقبيلـه
والله اني لاشرب المر واتحمل ما يجينـي..
ودام ما بالكون صدر(ن) ارتمي به واشتكيله
ودام مابه عين تقرى حزني اللي مبتلينـي!!
ما لي الا بيت شعر(ن) اذكره في كـل ليلـه
لا انتهى جدال المعاتب بين قلبي وبين عيني..
((ول.. يا كبر القهر لاصار ما باليد حيلـه..
والجروح من القرايب والخطا مني وفيني!!))


.: نهر سكر :.


أمسيه واعلام واضواء وصحافـه
وانـا لاوقفـت مابينـي وبينـي !
اتساقط ضيـق واحبـاط وحسافـه
كني اخنق حلم عمري في يدينـي !
واتسامى فكـر واحسـاس وثقافـه
واكسب التقدير والاعجـاب فينـي
يا طويل الحزن والواقـع خرافـه
كذبةٍ ماهيـب تسلتطـف يقينـي !
ليـه مااغنيّـك تحنـان ولطافـه ؟
وانت نبض الروح وانفاس تحكيني
ماتهز الريـح غصـنٍ لارتجافـه
ينكسر صوتي ! وتستاحش يميني !
كل مامر المسـا صـدري وحافـه
قلت له والشمس مشرقها جبينـي :
من مشت رجله على درب السخافه
طاح من عقلي قبل قلبـي وعينـي
الرجل لاصار مابـه ديـن : تافـه
والعدو لاصار يعجبنـي : خدينـي
والفشل لاصرت ترضى بالوصافه
وانـت قـادر تستبـد وتحتوينـي
وكان انا من لاربـط فعلـه بقافـه
جعل تبكيني عيـون اللـي يبينـي
وجه صبـحٍ مـن حيـاه وعفافـه
استحي من طيف زوله لو يجينـي
نهر سكر مـن ضفافـه لاضفافـه
اغنيات الملـح وانشـودة حنينـي
ناسي النسيان !! طبعـه واختلافـه
واصبح اللي راح واللي يحترينـي
عاشقه .. وقف هنا والعمر طافـه
هو متى يرجع وترجع لي سنيني ؟!
الفراق .. شعور من شـدة جفافـه
يبذر عيوني !! ويقطف دمعتيني !!
القلـوب تعـاف طاريـه وتخافـه
يعتريها شئ .. عانـه يعترينـي :
كل ابوي طعون واحزان وكلافـه
لاانتهاني جـرح الآخـر يبتدينـي
ليت حظي مارمى عمري خلافـه
ولا ترك لي تمتمة وينه ووينـي ؟!
وليت مابيني وبينـه مـن مسافـه
مثل مابين السهر وجفون عينـي !!


.: فمان الليل :.


تناظرنـي واناظرهـا وكلـن يرفـع احجاجـه
والوووم الوقت والصدفه واعاتب بابها المـردود
تفز من الحيـا تبعـد واشـوف اليـم وامواجـه
على ذاك الجديل اللي تهادى ع المتن بركووووود
احبس الصوت في صدري واهون واعلن افراجه
عساها لا سمعت صوتي من اللهفه تجي وتعـود
تذكرنـي واذكرهـا بزمانـن حيـل محتـاجـه
زمانن وقف بوجـه الشجـاع وحظـه المقـرود
تخيب امال عاشقها ويعـود الصـوت ادراجـه
والا يا شينها لحظه لا عوّد صوتـي المجحـوود
احس الحـظ طوقنـي بسـور الهـم واسياجـه
ومن طبعه يموت الحر ولا يحيا باسـر وقيـود
فمان الليل وهمومه يا روح الصـب واسراجـه
فمان الجرح لامنـه تعلـق فـي امـل مفقـود
صدح فيها خفوق اللي تعنى في رجـى مواجـه
تعنى شايلن وسطـه غرامـن مالـه اي حـدود
ولا حصل بعد شوفك يا كـود جـروح وهاجـه
وذكرى خطوتن عجله ونظره من عيونـن سـود
انا تكفيني النظره وسـلام احجاجـي لحجاجـه
بها بروي ضما روحي واصبر خافقي الموعـود

.: الضيق :.


ياللي تحـد قلبـي علـى اقصـاه
ما عادبي حيله علـى الضيـق ..
وقـت الـردى كـل شـي سـواه
ارخوووومـه تـذم المطاليـق ..
مـا عـاد اطيـق الهـم واقــواه
شلت بشبابـي فـوق مـا طيـق..
ذي اخــر احـوالـي وطــراه
يومك تقـول ان كنـي طويـق ..
أي والله ان فـيـنـي مـزايــاه
وان بينـي وبيـنـه مواثـيـق ..
بـس صاحبـك مـا جـاه كـفـاه
مليـت مـن قولـت توافـيـق ..
حتـى الشعـر شكلـي أبضـمـاه
ماعـاد تغـري بلـة الـريـق ..
كـانــت معالـيـقـي تـمـنـاه
واليـوم هـو جـرح المعاليـق ..
يطـري علـي واقــول عــزاه
يانشـوة الفـرحـه بتصفـيـق ..
واطـري عليـه ان تاهـت خطـاه
يلمحنـي بـروس الشواهـيـق ..
حتـيـش لــو انّــا حشمـنـاه
مـا تـردع الحشمـه مطافيـق ..
فـي ذا الزمـن مـاتـت بقـايـاه
روح امسح دمـوع الطواريـق ..
غنالـك الـلـي متـعـب غـنـاه
لاجـر صوتـه همـه يفـيـق ..
مـا يكتـب الضحـك ولايـقـراه
كنـه لحـزن القـاف عشّـيـق ..
بتصـدق شـعـوري او انـسـاه
بصرك !! ترى ما احتاج تصديق ..
قـد قلتلـك واوصيتـك وصــاه
لا تنبـش جـروح المخالـيـق ..
هالقلـب لا تحـده علـى اقصـاه
مالـك ومـال الهـم والضيـق ؟؟

.: طمني عليك :.


يا الغايب اللي غابت سنينـي معـاك
يا جعل ما جاني من الفرقـا يجيـك
استغفر الله !! جعل ماجانـي فـداك
حتى لو ان نهايتي .. على يدييـك!
مسامحك .. واللي بقوله في قفـاك
خيرك كثير .. ويرحـم الله والديـك
ماصار شي ابلا رضاي الا رضاك
اللي ماهو فيني وابيه القـاه فيـك!
كنت السما في عيني وعيني سمـاك
كانت حياتـي كلهـا منـك واليـك
كنت بيديني مير مدري مـن خـذاك
حسبي على تقصيري وحسبي عليك
علمتني.. وش الحياه مـن الهـلاك
في موادعك هذا وفي جيّتـك ذيـك
ياكيف ابلقى شخص يسواني سـواك
كل مانويت انهيك في شخص ابتديك!
أبـدى أقـارن مستـواه بمستـواك
واخاف لاتزعل وابيعـه واشتريـك
والمشكله : رغم محبتـك وغـلاك
واني رغم كل شيّ مشتـاق وابيـك
ما هوب من حقي يضايقنـي جفـاك
ولااعشقك ولاالمحك ولااحتريـك!!
لكن ما يخفانـي ولا اظـن يخفـاك
حقي عليك .. انّك تطمنّي عليـك!!


.: بعضها يحسد بعضها :.


جفت حرورف القصايد وارتعـش بيـدي القلـم
يوم مرت تبتسم لي (( بعضها يحسد بعضهـا))
كل عرضن للحلا فـي عينـي ولـىّ وانهـدم
من بعد شوف اللي بيده الحلا قام وعرضهـا..
من يقـول انهـا تشابـه للقمـر حظـه ظلـم
ومن يقول انه خيالي لة يحاول ما افترضهـا..
فتنتن كل من نظرهـا اشهـد ان عقلـه جـزم
من فرض سبع العجايب كيف معهم ما فرضها؟!
في هدبها مختلـط صـدق المشاعـر والوهـم
اجذبتني وابعدتنـي بنظرتـن قلبـي نبضهـا!!
وبحكيهـا كـل حرفـن يبتعـد عنـهـا نــدم
ياهني ذي الحروف اللي ثغرهـا قـد لفظهـا..
موعظـه للـي يشـوف ودايـم لربـي حكـم
حكمتن منهو يتهنـى فـي هواهـا ويتعظهـا؟!
شتتني كيف مـدري؟ حتـى فكـري مـا سلـم
والحقيقه ما قويت انـي اقـوام واعترضهـا..
اسالتـنـي وطلبتـنـي ولا مشتـبـي الـقـدم
والمعاني اللي في بالي وقتهـا لسانـي بغضهـا
كني في لحظه نداها صايرن (( خيـر الامـم))
وكنها(( القدس الجريحه )) وشعبها اللي ينتفضها
وقفت فينـي تناظـر فـي رجـى منـي نعـم
او اشاره وابتسامه .. شي يوصلهـا غرضهـا
وارتعش حرف القصيد وللاسـف جـف القلـم
لين راحت تبتسم لي بعضها يحسـد بعضهـا!!