[خيَّال الغلباء]

بسم الله الرحمن الرحيم

السلام عليكم ورحمه الله وبركاتة تحية طيبة للجميع بعد انقطاع طويل أعود إليكم بهذه الملحمة الرائعة التي تبين أنواع الرجال من رجل رحمة الله علية لة تجربة فريده حيث هاجر إلى الأردن وانضم إلى الجيش العربي الأردني وتوفي شهيدا – باذن الله – في حرب فلسطين ودفن بها شاعرنا هو / أحمد بن عطيه الغامدي من قرية الركبة رحمه الله والقصيده تعبر عن نفسها تحياتي للجميع أبو عزوز :-

أحمد يقول اســــم الرجاجيل واحد= الاسم واحد والعقول أطوار
الاسم واحد والمعاني كثيرة= مثل المعادن في يد البيطـــــــــار
من له نظـــــر ثاقب يميز طباعهم= يفهم نوادرهم ولا يحتــــــــــــار
فيهم كما الفضة وفيهم جواهــــــر= وفيهم تنك يبرق على الفخـــــــار
وفيهم كثير الهـــــرج من غير معنى= وسط المجالس واحدا ثرثار
وفيهم كما عود العشــر حين صبوته= لو تمسكه بيدك يروح كسار
فكر ترى عود العشـــر ما يجي عصا= أيضا ولا يشقى به النجــــــــــار
وفيهم ذهب ابريز يفرح بصـــاحبه= لو يخزنه طول الدهر ما بـــــــار
اصرف ذهب وخلي ذهب واترك الردي= يا سعد منهو يربح الدينـــــــــــار
من يربح الدينار ينسر خاطــــره= يفرح ولو مال الزمان وجـــــار
وفيهم ثقيل الدم علة لصــــاحبه= مكاس وأعماله بدون عيار
غصباً يجيب الضـــيق بينك وبينه= وليته لزلات الخوي صبــــــــار
تجــنـبـه قـــدام لا تـبـتـلــي بــه= وإن كنت عاقل تدرك الأخبار
خـــــــــــله يلاقي له لعيبا يلاعبه= الجد ما بين الأحمقين عــــــــــــوار
واحــــــد يضيف الميتين بساعته= وإذا قعد يحمل سداد الثــــــــــار
يغدي طريقا والمطـــــــارد يطارده= ولا له عن ضيم الرجال فــــرار
أمشي مع رجــــــــــال يحفظ مقامك= عقب الجمايل يطلب المعــــــــذار
يا جــــــاهل المعنى عليك بنصيحتي= إعمل بقولي واحفظ الأســــــرار
ترى الفنون مقســمة بين عشرة= ما يدركهم إلا واسع الأفـــــــــكار
الفن الأول : عـــــــــالما تقتدي به= سلك طريق الساده الأبــــــــــرار
شـــــــيخا حليما يتبع العلم بالعمل= على رحابه تكثر الـــــــــــــزوار
والثاني : وجــــــه الندى طيب النبا= سنه ضحوك ويكرم الخطـــــــار
تلقاه راضي النفــــس عجلا على القرى= عبد الضيوف اكبارهم واصغــار
والثالث : قرما يفك المشـــــاكل= لا حد ما بين الرجال اخطـــــــار
رجال فكاك النشـــــب حزة الطلب= ما يقبل الرشوه ولا ينــــــــــدار
هذاك مثل النــــــــور في ليلة الدجى= يسري بنوره والليالي اعــــــكار
والرابع : اللي ينذكر بالحـــــــــــــرايب= لا صاح قدام الرجال وغــــــــار
قرما رخيص الــــــــــــروح من دون جاره= يستاهل البيضاء عزيز الجــــــــار
لو لاش راســـــــــــــــه موقفه موقف الكرم= إن كان ما هو باللقاء غــــــــــــدار
سوق الشــــــــــجاعه حقها بالمناحه= تنبيه واستعداد يا أهل الـــــــكار
والخــــــــامس : اللي ما يجيب لك فايده= يخلط ولا يربط كثير اهـــــــزار
إما عرفت أمره يغرك بقــــــــــــوله= يتوهك ويتوه الخــــــــــــــــطار
والسادس : رجـــــــــال ما يبعد الخُطى= عايش على القله قليل أســــــــفار
والسابع : اللي ضيع العمر بالهــــــــوى= ترك علوم الغانمين وســـــــــــار
خسر ثلاثا ما يعــــــــــــــوض بغيرهن= لو عاش حتى تنشف الأبــــــحار
الأوله دينه والثانيه شــــــــــــــبته= والثالثه ما يحصد الأبـــــــذار
إما رجع لله بتوبه نصــــــــــوحه= صحيفته تصبغ بلون الــــــــــقار
والثامن : اللي كثر الله مـــــــــــــــاله= وأعطاه ربي كل ما يخـــــــــتار
إن كان من أهل الباديه يذكـــــــرونه= وإلا يعد من أكبر التــــــــــــجار
لكن شـــــــــــوره ما يفارق حليلته= مهما تديره سرع ما ينــــــــــــدار
جابان لا يطعن ولا يندرق بـــــــــــــــه= عايش ذليل ما يجلي الـــــــعار
والتاســــــــع : اللي بالعرب يزرع النشب= شايف لسانه كنه المـنـشــــــــــار
رماي ما بين الصــــــــــــــــــديق وصديقه= من فتنة تغذي البلاد ادمــــــــــار
والعاشــــــر : اللي حط بالحال مركزه= دايم وهو في بهذله واســــــكار
يجــــــــــري على رزقه ولما يحوشه= حالا يحول به على الـــــــــخمار
يبات نشوانا على الكاس والطـــــــرب= وفي الصبح خنزيرٌ عليه غبار
والله لو إن المــــوت ياجي بخاطري= لأبيع من شكله كثير أنــــــــــفار
لأبيع بألفين وألفين مثله=والحر ما ينباع بالشــــــــــــــنار
لكن يالربع المـــــــــــــنايا مقسمه= إن المنايا تقصف الأعمـــــــــــار
يموت ســـــــــــــيد القوم من بعد ميه= قلنا خساره والعمار اقـــــــــصار
والنذل لو يقصــــــــــــــــــــر بعمر منيته= قلنا يعوض تعبه الحــــــــــــــفار
ذول الرجـــــــــــــــــــال اللي شرحنا فنونهم= ولنا مع الجنس اللطيف مـــــدار
أذمهم بالقــــــــــــــــــــــول وأمدح خيارهم= لا بد ما في الغانيات خــــــــــيار
خضــــــــر النواصي والأدب يلحق النسب= ولا جاك من بعد القراح عــــكار
ويوم يذكــــــــر بعضهنه بخاطري= أقل عسى بعض النساء للــــــــنار
أه يالنساء مسكين من يامن النســـــــــــاء= لو يضحكن ضحكهن قـــــــمار
إن جيتها بالضيق يلقاك دمعهـــــــــا= على عوارض خدها مـــــــــدرار
ترضيك من غمزه وتلعب بعقـــــــــلك= وتغديك لعبه بالإيدين صـــــــــــغار
عمارنا منهن ومنهن دمارنـــــــــــــا= ولا لنا عن ولفهن مـــــــــــــطار
وعند هذا البيت قصـــــــــــــــــــرت قولي= وعندي لوصف الغانيات أسـرار
الغـــــــامدي جاب المثل بالتجـارب= لأن التجارب تحسن الأشـــــــعار
من دار في الدنياء وعالج دروسهـــــا= ما يجهل المنصف من المـــــــكار
أنا الذي قاسيتها ما نسيتهـــــــــــــا= دروس ما تخفى على الشــــــطار
شربت من كاس الهناء في بـــــــــــلادي= وبعد الهناء شربت كاس أمـــــرار
ومن بعدها فارقت قومي وعزوتــــــــي= واللي يغير ديرته بديــــــــــــــار
تجيبه الأيام غصبا بلا رضــــــــــى= على هواها والفــــــــــــــلك دوار
ياما ليالي بت أساهر نجومهــــــــــا= حتى لحق ضو الصباح نــــــــهار
شايف نذير الموت خالط عــــــوارضي= والشيب عند الغانمين وقـــــــــــار
يا الله يا مطلــــــــــوب تغفر خطيتي= أنت العزيز الواحد القـــــــــــــهار
وأختم كلامي بالنبي أشـــــــرف الورى= طه التهامي كامل الأنوار

أبو عزوز جزاك الله خيراً ولا هنت