[خيَّال الغلباء]

بسم الله الرحمن الرحيم

قصيدة ألقيت في زواج / ثواب بن معيش الحارثي بقصر الطايف بوجود شيخ قبيلة الشدادين / ابن مهرس أتمنى أنها تنال أعجابكم وأستحسانكم :-

يالله إن تقدينــي لكســــــب الجميلــــه=لا دق في صـــدر من الشعر هوجــاس
أخــــذ جمـيلــــه وأتنقــــى جزيلـــــه=وأصوغها من راس في وسط قرطاس
في ربع ابن مهرس زبون المهيلـــــه=اللي ليا ركبو على قـــب الأفـــــراس
خيـــالهـــم ينطــــح لحالـــه قبيلـــــه=ما فيهم اللي فالمواقيــــف ينحـــــاس
أهل الشهامــه والكــــرم والجميلــــه=وأهل الشجاعه يوم الأريــاق يبـــاس
ذولا بني شـــــداد وأهــل الكحيلــــه =خيالهم ياخذ على الخـــيل مـــرواس
من غير قاصر في عموم القبيلـــــه=بالحارث اللي طيبهم ماله أقيـــــاس
أمجادهـم لا أعـــد ما هـــي قليلــــه=فيهم ونعم أقولها وأرفــع الــــراس
أفخربهــم وأنا بعــد مــــن قبيلــــه =مجامعه لباسة الجـوخ والطــــاس
سبعان لا شــب الولــــع فالفتيلــــه=ثم غطرف المجمول مدقوق لأنعاس
يردون حوض الموت وقت الدبيله=بسيوف هندن تفصل المتن مالراس
وكل القبايل كـــلآ ولـــه حصيلـــة =وكلآ بمجده يفتخـر دون مقيــــاس
وختامها يالله بكســــب الجميلـــــه=لا دق في صدري من الشعر هوجاس

الشاعر / قاعد ثواب السبيعي

أخي الكريم الفاضل / قاعد بن سريع السلام عليكم ورحمة الله وبركاته وبعد : كل عام وأنتم بخير وصحة وسلامة ومن العايدين الفائزين المقبولين وصح لسان الشاعر / قاعد بن ثواب المجمعي السبيعي وسلم نبضه وبنانه وإعتلا شانه على هذه القصيدة الجزلة المعبرة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والامتنان مقرونا بجزيل المحبة والاحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .