بسم الولي الله الحامي=كاشف علومي وشاهدها
رازق عباده والانعامي=محصي الخلايق وفاندها
اكتب جزيلي بالالهامي=مازيف الجابه واشهدها
اسمي عريقٍ بالاسامي=جدي طحش يا معددها
اسرجت خيلٍ علي ضامي=يم الجزاله وواردها
تجمح وانا واثق الجامي=من شوق عزٍ ويجلدها
سوط الندامه تندامي=ما تبغى غيرك يركدها
سبعان طير الفخر حامي=جنحانه الفعل سهدها
يا عز بيتٍ به قطامي=يحسب كثير لـ مناقدها
لقبلت قدر وتحشامي=ارحب وسم برعايدها
مجالسٍ طول الايامي=ريح الازيرق يحددها
يقلط بها ولد الاكرامي=ولا الردي ما يمجدها
سبعان يا فخر الانامي=سبعان والسعد لـ ولدها
ادري مقصر يا الاقطامي=مير العذر لو تشيدها
حربي ودمي علي حامي=لا شفت فعلاً يبردها
محمد الطحش البدراني الحربي