فمان الله ليامنك نويت اتروح فـي ممشـاك
انا عذري من الله لانصحتك وانـت متعالـي
ابأكذب لو بأقول إني تراني مستعـد أنسـاك
وانا اللي ماتوقع كلمـت النسيـان تطرالـي
أبأحفظ قيمتك في داخلي وارضابها لأرضـاك
تروح وذكرياتي معك لامـن غبـت تبقالـي
عسى ربي يجازي من تملك طيبتك واغـواك
لعب في راسك ونساك فرق المـر بالحالـي
نسيت اللي بجنبك لاجلست ايصير لك مركاك
نسيت اللي ليا زادت أحمولك شال الأحمالـي
نسيت اللي بوقت الضيق والأزمات هو مخباك
الا كم شال بعد الله همومن صعـب تنشالـي
نسيت اللي ليامنـك طلبتـه خوتـه خـاواك
قطع لجلك بحور الموت من جالن اليا جالـي
نسيت اللي ليا من ضقت من هم الزمن سلاك
عطاك اللي تبي وارخص لعينك واحدن غالي
نسيت اللي بعد رب العبـاد اتبثلـه شكـواك
وخلا لك بعينه عن جميـع النـاس منزالـي
مصيرك تذكره وتعود له نادم تجـر اخطـاك
تجيله منكسر من بعـد ماروحـت متعالـي
الشاعر عايض أبو شيبه