[انــــــــــا]

قصيدة في ابن العم الشهيد الملازم أول بالقوات البحريه / محمد بن عبدالله بن خزيم العزة السبيعي
تقبّله الله القبول الحسن ..





مبدأ الشــعر في مـوقفـي حمــد الله || ثــــمٍ صــلاة الله عــلى رســـولـــه


ومبـــدا الرجــال بهالحيــاه الصعبـه || حــكــمه عظيـمه مـن قبــل مقيوله


أمـــا حيــاةٍ تســــعــد اللـي حـــولك || والا عســى مـــوتٍ على أصـــوله


واللــي جـمعهـا بالحيــاه ومــــوتـــه || نفخر به .. الله يحسنه بــــقبــوله


فـــي فــتـنـــة الحـــوثيّــه الخـــوّانه || اللــي عقــول اجســادهم مغســوله


قصــــة بطــلنا بالــزمــان ... تخــلّد || نـــومـاس لرجــال البــلد وزحوله


يــوم انسأل دون الوطــن وش ودك؟ || جاوب وروحــــه بالسطـر مجبوله


قـــال الشهــاده مــع نصــر يلحقهـا || وآنــا فـــدا لله .. ثـــم للـــدولــــه


وحــرّك الى الجبهــه وحــثّ اقــدامه || ثابت .. ومتنه مــا درى بحموله


واي اتصـــــال يجيـــه من احبابـــه || رده بجملـــه ساميــه .. مسؤوله :


تطمنــــوا .. ما ابغـى اتصــالٍ آخـــر || نفسي ترى بارض الوطن مشغوله


مقــــدام .. والمـــوقــف يبي امثالـه || لارحم ابــو شخصٍ تِكـــل رجــوله


ومـن بعــــد جولــه ظافــــره حققها || مــع كــم صــولـه قبلها مدبــولــه


مــا امــدى يحـــط اقـــدامـه يريحها || الا المنـــادي نبرتـــه تسمـــو له


نحتـــاج كـــم شخــص لمهمه اخرى || وبيّـــن خطـرها .. فـي ثنايا قـوله


قــــام وتـنّحــرها وقــــال ابشـــر بي || مــا جيت ادوّر راحــــه وقـيلـولـه


ثــم قـــاد لـــه فـــرقـــه من البواسل || وبــه فــــرقتـــينٍ مثلـــها مفتوله


يـــم الخصـــم كـــلٍ خــذا له مــوقـع || وغــاروا عليه بخطـــةٍ مقــفــوله


مـــــن فـــوق ضلــعٍ عـاليٍ مشرافه || الــدود اسمــه .. والخطر مدلوله


وابلـــوا بلاءٍ .. نــادرٍ مــن نوعــه || مــن سطوته عين العدو مذهولــه


أنهـــوا مهمتهم .. عـــلى خطتــهم || وقبــل التحرك أوعـــز لمن حوله


يـاالله على المـركـــز .. وانا آخركم || عـيّـوا وأصّر بكلمته .. واصغوا له


جاته رصاصه .. مــن مشى يسندهم || روحـــه غــدت من بعـدها مقتوله


نصـــر وشهـــاده قـــالها واحـرزها || وكـــلٍ على النيّـــه .. تجيك فعوله


محمـــد ابـن عبــدالله ابـــن خزيّــــم || انــا اشهــــد انــه من رجال الطوله


عيــــال عبـــدالله .. وذي عــــادتـهم || دون الوطـــن .. كــــلٍ وله مفعـوله


الله يــرحــــم شــــايــبٍ ربّـــــاهـــــم || عـــلى الوصـل والـدين والـرجـوله


واللي جمعـــها بالحيــــاه ومــــــوته || نفخــر به .. الله يحــسنه بقبـــولــه


سيرتـــه عطـــره فـي حـياتــه كـانت || وريحتـــه مســك وجثتـــه مقتــوله


والخاتمه في موقــــفي .. شكر الله || واتـــم تسليـــم ٍ عــــلى رســـــولـه



الشاعر - عبدالمجيد بن صقر آل مويهان العزة