[SIZE="5"]السلام عليكم ورحمة الله وبركاته
هذي اول مشاركه لي معكم ومناسبتها مهرجانات المزاين للابل
واهديها اهل الابل من سبيع واتمنى ان تعجب الجميع
من بغا الانتاج لايطول مسيره = ياصل السبعان عربين المجاني
زملهم تشهد له ملوك الجزيره = والقبايل كلها قاصي وداني
كل وبالن ليا نسب بعيره = قال منهم عندي شهود وضماني
وان بغيت الصفر والاالشعل خيره = وان بغيت الوضح ياطيب التماني
وكد اصله واضرب الزقما القصيره = وقيمة انتاجه تشيدلك مباني
تشوف راعي الصنف مايظر لغيره = والعشر ماهيب تصفيلك ثماني
ندر بكارن لها وصوفن كثيره = واولتها ارقابها كالخيزراني
لاطفحت بلحيها عقب الضهيره = كنها لاقصى الفضا تويق العياني
ورق زين وجيهها يبرق نثيره = فوق قوس خشومها وخرع الاذاني
لصوت راعيها بها شوق وحريره = لاخفق بقلوبها جاها روجاني
وان وقف قدامها قامت تديره = وتحسس عند شوفه ماتداني
لاعرضت شفت الجماهير الغفيره = حول ساحت عرضها تحجز مكاني
احتموها اهل الوفا في كل ديره = ويستحقون الثناء طوال اليماني
والفخر لسبيع ياشبه الجزيره = لزملهم كلن شهد قاصي وداني