ياوالله اللى حط فى القبر رجال *صنيتان هو مرذى الذلول المريحه
مرذى سمان الجيش فى لاهب اللال* مهوب يرقد فى ظلال السطيحة
ولا هوب من كثر المغازي بملال * كم جمعة يودع عليها طفيحه
الحيلي الحلحيل ماهوب ينحال * الشبل كساب العلوم المديحه
للعقد حلال وللحمل شيال * بشر قبيله باكتفاي المنيحه
اي والله اطيب من ثمانين خيال * ياقل في اللقوات والله نطيحه
اداء ....... ناقته شين الافعال * هو كان ماخذها وهيه صليحه
ادو بعد مفقر كثيرأ من المال* سبعت عشر كونن عليهم فضيحه
ولا ذكر جو في القفر تو ماسال * لا هب نسناس الهواء فاح ريحه
حله بشقحن شوفهن يطرب البال * يرعن في ظف محصلين المديحه
سربة جمالين طليقين الأفعال * وفعولهم سرج عليها مضيحه
خيالهم لامن ركض مارجع ذال * الكل منهم مايداوى طريحه
من ضربهم هذا من المعركه مال * وهذا يطيح ولا تساوى مطيحه
بسيوف مصقولات بأيمان عيال * تقص راسه قص راعى الذبيحه
معهم فهد ينطح جموع ابن هيال * ياسعد والله من اخو رفعه شليحه
يرعون من ساقان لى رجم بذال * واللى يبيهم ماادرك الا القبيحه
حدوا حدا الجرب لا شافت ازوال * والا الظبا لا شافت المستضيحه
فعولهم ما تنتعدد بالأمثال * هذا جواب الصدق وافهم صحيحه