[العنـاوي]

بعض الاصحاب

الله يامناحي على بعض الاصحاب=لو كان ودي كان ماهوب بصحيب
غرتنـي بهرجـه دوافيـع واســـبـاب=طيب على قوله وهو زايف الطيب
كـذاب واللي يخـلف الـوعد كــذاب=ولاهوب راعي للوفـاء والمواجيب
ومن لاله بروس المواجيب مرقاب=ماهوب يحسب في نهار النواشيب
ولاهوب يحسب مع عريبين الانساب=لعدت افعول الرجال الاشانيب
وانا عرفت اللي به الضن لاخاب=يترك على عداً حلاله نواحيب
من بينك وبينه زرافيل الابـواب=خله ورفقــة ضايعين المطالــيب
خلك مع اللي رفقته بين الاصحاب=وساماً تقلدبه كبار المناصيب
ياقف مواقيفاً لها الراس طراب=عدال ميلات الامور المصاعيب
هذا الصحيح ولا عن الصح مجناب=وهذا كلام مجربين الاصاحيب
لاخير في رجلاً تنقد فالاجناب=لاخير في خوت ردي المجاذيب
ولطيب ناس وللوفاء قوم واصحاب=وإلا الردى طبعاً على صاحبه عيب

كلـمـــــات
العنـاوي afa-1411@hotmail.com