انا يوم اسج الرجل فالخايع الممطور=اداوي به جروحٍ مع الوقت ماطابت
أشوف القصور ابناظري للحزين اقبور=واجي واتسأل ليه شمس الفرح غابت
وإذا جيت اجاري ضيقة الخاطر المكسور=ذكرت الشموع اللي من الحزن ماذابت
ولاحظة شيٍ لاح يشبه شعاع النور=تخاوت معه دمعه من اعيوني انسابت
بشوفه لفتني فرحتي من غياب اشهور=ومن عودة الفرحه جيوش الحزن هابت
وعادة به الأفراح للمسكن المهجور=وشبت به الأمال من بعد ماشابت
شعاع الأمل يضفي على اليائسين اشعور=ترى بالحياه اجروح بعد العنا طابت