بسم الله الرحمن الرحيم
هذه القصيده إهداء من الشاعر المعروف
فلاح بن محمد القرقاح
لصاحب السمو الملكي الأمير / تركي بن محمد بن فهد بن عبد العزيز
القاها الشاعر أمام سمو الأمير ليلة السبت بتاريخ : 8/05/2010م في مجلس
الشيخ / مسلط بن شعيفان ابوثنين
في عزبته في الوثبه بأبوظبي ، في موسم سباقات الهجن لهذا العام 2010م ،،،
---------------------------------------------
لعل الهبـــوب اليـاوطـت بالغيـــوم غيـــوم = تخــــاوي ظــلال العصــــر وتســــوقها قــــدّام
يوقّف لها اطول برج وقفـة عــــدو القــوم = لقـــــوم يجونـــه جمـــع ويعــــوّدون اقســــام
والى وصلته مابه مصافـح وحب خشـــوم = تلـــــوّى عليــــه وتنثــــر دموعهــــــا وتنــــام
لو انّــه جمــــادٍ ماله من العلــــوم علــوم = لايــــدري عن الروس ولايـدري عن الاقـــدام
لكنّــه باســــم خليفه وعنـــد ابن مكتــــوم = وبهــــذا يكــــون اوّل واهــــم اصعب الارقــام
بمجد الشـــيوم يلبّس المجــد لبس هـــدوم = ويصبــــح علَــــم في قمتـه تنشــــر الاعـــلام
عسى دبي واهـل دبي من كل شـــر سـلوم = عــــلا شــــانها ديـــرة كـــرامٍ عيــــال كـــرام
الاصايل لولاهـــم ماتنومس بها شــــغموم = ولا جالهــــــا جالــــب ولا جالهــــــا ســـــوّام
هم اللي على ســوامها يفرقــون الســــوم = إلين فهقت ســــعر الذهـب والوقـــود الخـــام
شــــف اللي ذلوله تكســـر التّيـم هذا اليوم = بكـــره مغتني لــــو انه افقــــر من الحجّــــام
ســــلامي على اللي ماتهنّـــا لذيــــذ النــوم = إليـن اِحتــــزم للمـــوقف المعتبــــر بحــــزام
يســــلم تركي بن محمد بن فهــــد ويــــدوم = محنّــــك وثاقــب نظـــره وواثــــق ومقـــــدام
ضمن فوز حمراً جابت الكاس في المرموم = مثــــل ماضمن جــــدّه رفــع راية الاســــلام
ماســــلّم رســــنها راعيٍ من هَل الخرطوم = الى قــــام ورّاهـــا الـــوزا واِن قعــــد ماقام
تخيّــــر مضمّـــرها نبيــه وقــــوي عــــزوم = ســــعودي ومن روس محلفنـــا قبايـــل يــام
يبيهــــا اليـــــا من قيــــــل ياحــي ياقيّـــــوم = بكاس الخليــــج تنومــس الشــــعب والحكّام
تصـــرّم تصــــرّام اشــــقرٍ مخلبه مســـموم = تقول اِن الارض اللي تحتهـــا تثــــور اَلغـام
النامــوس للي بامرهـم يصــدر المرســــوم = ســــعى المـــدح للي يســــتحقه ولا ينــــلام
الزيـــزوم زيــــزوم وحفيــــده بعد زيـــــزوم = وزيــزومنـا من راس اميـــر وملك وامـــام
نايف جـــدّه الحي وفهــــد جــــدّه المرحـــوم = وابوه اســــمه يقــود الصعيبه بــدون خطام
اِن كان الهجن في المملكه حقّهــا مهضـوم = ســــعدها على إيـــــد معــزّبي راعي الدمام
على اكوارهــا صقر الجزيــزه ورد بقـــروم = تحتهــــم غــدت مثل الاهلّــــه من الــدرهام
يوم اِن خيّــال البل عــزوةٍ تنصــر المظلــوم = تراها لنـــا ماهيب لاهــــل اليمن والشــــام
------------------------------------------------
الشاعر / فلاح بن محمد القرقاح
هذا وأنتم سالمون ،،،