[جبار السبيعي]

فاكس الغلباء اشكرلك مجهودك واهتمامك
ولكثرة الاخطاء المطبعية بهذه المحاوره أعيد طباعتها
وهي احد محاوراتي مع فيصل بن هاجد رحمه الله
محاور بين الشاعر فيصل هاجد محمد المداريه السبيعي
والشاعرجبار مقعد جبر الصميلي السبيعي
(فيصل)
ابو نفس مغروره وابو شدق مفلوع = تصافوا علي قطع السلوك القوية
بعدها تبي تشبع من الغبن والجوع = ولاشدوا العربان مالك مطيه
(جبار)
ليا كبرت القالة يصير الجمل طوع = وتبدي الحقيقه للنفوس البرية
واذا طافالك مشروع يا تيك مشروع = وترضي بعدها يا بن هاجد عليه
(فيصل)
ليا كبرت القالات ماعندك اضلوع = ولاودي اوصلك حد القصية
وانا لا بغيت الدرب ماهوب ممنوع = كل السوالف ماتطوف عليه
(جبار)
ابه هرج مرفوضٍ وابه هرج مسموع = ولا يخسر اللي سار سنة نبيه
قياد الجمل بيديه مثني ومربوع = وحملة بظهرة والعصا في يديه
(فيصل)
تقوله يابو ضرسٍ من العام مشلوع = ولو بنصحك ما تحفظون الوصية
مادام اللغم قدام رجليك مزروع = توقع ولا تنسي رجال الحمية
(جبار)
انا ماستمع في شور ابو راس مصدوع = تجاز العلوم وبنت بقعا صبية
وراعي اللغم يشرب من السم قرطوع = وراعي الخطايا يرد حوض المنية