[ابوحمدان]

المشاركة الأصلية كتبت بواسطة حمد الحبابي

هذه الابيات المتواضعه اهدا لهذه القبيله الغاليه على قلبي التي لواكتب عنها معلقات لن اوفيها حقها فارجو العذر على القصور ياسبيع

من شانكم ياسبيع جيت وتعنيت=يأهل الكرم وأهل المواقيف ياسبيع
ياأهل الوفاءوالطيب والعزوالصيت=يالي نهارالحرب تاتي مفازيع
تخضع لكم روس العصاة الطواغيت=ومن هولكم تنهان وتخاف وتطيع
تاريخم معروف للحي والميت=واحقوقكم بين الرجاجيل مااتضيع

يحفضكم الله ربناحافض البيت=ياأهل الوفاء والمدح والصيت ياسبيع

وهذا ردالشاعرمشعي بن نوارالسبيعي(نادرالحروف)

يامرحبا ترحيبـة الطيـب لاجيـت=تليق فـي قحطـان وتليـق بسبيـع

مدحتنا يالذيـب وكفيـت وأوفيـت=موضوع يكفي عن جميع المواضيع

وأنت في محلك يا أبن شتوي وحييت=غالي ولك صيتٍ مع اصحابك ايذيع

لي الفخر في خوتك يـوم خاويـت=خوة شرف تشرى ولا أفكـر ابيـع
ويانعم بالعـزوة لامنـك تعزويـت=مثل الصقور اللي بروس المطاليـع

.. لاهنت يا الشاعر / حمدالإحبابي ،،

.. وصح لسانك ، ومديحٍ مادح ،،

.. وصح لسان الشاعر / مشعي بن نوار السبيعي ،، وكفّيتوا ووفّيتوا ،،

.. وعسانا نشوف لكم أشعار في جنبات المنتدى ، نستفيد منها ،،

.. تقلبوا تحياتي ، بعد تشـــرُّفي بالمرور والاطلاع ،،