[عبيد ابو شيبه]

يابن ادم لايغرك بخالك الغرور=وانت مخلوقٍ من الطين وسنينك اقصار
عز نفسك عن دروب المهانه والفجور=بالتواضع قدم خالقك ذلاٍ ونكسار
السعاده يوم تدخل على مسلم سرور=والغدر والمكر في منهج اهل الطيب عار
وحد المولى وخلك على الشده صبور=وستعد لساعة الموت قصاف العمار
واجتنب فعل الكباير ولاتشهد بزور=ولاتخاو الى رجالاً قرانيس وحرار
وقتبس من سيرت المصطفى للحق نور=جعل تبعث مع محمد نهار الحشر جار
اصعب الايام يومٍ على الظالم دبور=لانقفل بيبان جنه وفتح ابواب نار
التجاره عند خالقك والله ماتبور=الكريم اللي يسوق السحاب لكل دار
اولاً تشرى النصيحه لاكن اليوم شور=استمعني قبل تضرب يمينك باليسار
الجهاله ليلاً اضلم لاكن العلم نور=اغتنم باقي حياتك وحدد لك مسار