[حزماوي]

ياعدنا اللي لاظمينا وردناه=الله يجيره من جميع الصواديف

الله يطول في حياته ويحماه=ياكلم علينا له جميل ومعاريف

لولاه بعض امرار لولاه لولاه=يمكن تعشانا السباع المهاريف

عسى الرخوم وقاصر الباع تفداه=ويفداه ربعن فعلهم مابعدشيف

سهم المنايا راعي الوجه والجاه=ذرن على ربعه وريفن على الظيف

أخويه اللي لوبعددمزياه=تظيع في طيبه جميع التواصيف

يابعد هقواته ويابعد مغزاه=ياوسع صدره في اليال الشواحيف

يضحك حجاجه والوفا في محياه=حقايقن ماهيب هرج وسواليف


حشر كسبانا الطيب من كسب يمناه=ومنه تعلمنا جزال المواقيف

تظيع في طيبه رياجيلن ادهاه=مثل الجبل يرسي بوجه العواصيف

يابعد هقواته علا الغير بعداه=ابعد من البيدا على نجمت الصيف

لولاحشر ماكل صعبن طلعناه=ولجالنا اسمن في كبار المصاريف


حشر من أسمه كل مجدن رقيناه=وخذنا زمام الشهره الطيب والكيف

حشرحشر حرز الوغالاعدمناه=راع الوفا سيد الرجال العواريف

اسمن تقدابه رجالن مسماه=وفعلن يشيد فوق روس المشاريف


عسى الولي يرعاه ويسد أخطاه=بجاه من زوار بيته مناكيف

أخوي أخوي اللي عساعمري افداه=انا فدله من الصواديف والحيف

صحيح طيب الرجل من طيب مجناه=حشر سلايل مرويت سلت السيف

حشر سلايل راعي الوجه والجاه=عودن حجا المظهود من وقتن مخيف

سبع السباع اللي وساعن نهاياه=أبوحشر راع البكار المشاعيف

هذا بعض موجز لشين فعناه=واللي بقا مثل السحاب المراديف

نافي وحق اهل الوفا ماهظمناه=هقواتنا فوق النصوب المقانيف