عسى الله يصبرنجد ياسيدي سلمان=ويصبر جميع أنحا الديار السعوديه
يوم ان المذيع اعلن بيان(ن) من الديوان=زهمك الشمال وجاوبته الجنوبيه
تعبنا جميع ولا انت بلحالك التعبان=ولكــن يهونهـــا نجــاح العــمليه
شكت منك فقرات الظهر يارفيع الشان=والاسبـــاب واجد والتقارير طبيه
هذا من كثر ماتنحني به على الشيبان=وكثر ماسجدت لعالم السر والنيه
وطفل(ن)معاق تقبله والكريم معان=وتوقيع شيــكات(ن) تــودا لجمعيه
عسى الله يردك للوطن ياذرا الاوطان=ونـعيد بعيــد(ن)غيرالإفطار وضحيه
رفعنا يدينا بالدعا في شهر الاحسان=يسلمــك ياسلمــان رمز العـــروبيه
لياجيت عايد للوطن تنجلي الاحزان=ولافيه راحـــه قبل ماتثبت الــجيه
الاياسنام المجــد ياكافل اليتمـــــان=ترى غيبتك يا امير ماهيب عاديه
مثل مايعيش الهم عبدالله وسلطان=تعيشه جميــع انحا الديار السعوديه
تسلم يابوناصر على النقل
وصح لسان شاعرنا زامل الحميدي على القصيدة الرااااااائعه
والله يرد امير نجد بالسلامه