اقتباس:
المشاركة الأصلية كتبت بواسطة صقر بجيله
صقر بجيله=
سلام الله عليكم والتحيّه ما علاها غبار = سلام الدين الاسلامي سلام الشرع والعاده
وجوب انا نثنيها ونعلنها على الحضار = على ضيفان هذا المنتدى واعضاه والقاده
|
سعد بن رمضان=
هلا يا مرحبا هات الخبر وانا لدي اخبار=علوما ما تدخل في مقام العقل وجهاده
عليكم نثني الترحيب في المطلاع والمندار=هلا يا قيف نفخر به ونترشد من ارشاده
صقر بجيله=
يدوم الك البقى ياشاعرا يحسب من الشعار = ويحسب من عرايفنا وانا واحد من افراده
ارى فيكم غلامًا قام يتشيطر على الشطّار = ويتسيّد على روس العرب ماهو من الساده
سعد بن رمضان=
نرد السالفه يا صاحبي ونوفي المعبار = تدور المعركه ونحن لها نقبل بوراده
بخدعه نلطم عيون الخصيم ونعمي الاشرار=وتحمى وتنطفي نيرانها ونحن لها قاده
صقر بجيله=
اقوله ما عليكم زود يا اهل العرف والمقدار = لكن الصرح هذا وسعوا بابه لرواده
تراها شغلة الافكار وين اللي يدير افكار = قليل الرشد ما يقدم على مدحا ولا فاده
سعد بن رمضان=
تلراك من البلد يا صاحبي منت ابغريب الدار=ومن هو ما عرف طير الصقر يشويه لا صاده
نردك عن ميادين الخطر وتعمد الاخطار = تراقب من شمال ومن يمن وانا بمرصاده
صقر بجيله=
صحيح اللي تقوله كيف واباشر على الخطار=اباشر بالسمينه وادني المكرم على زاده
لكنك ما تعلمني بغلطاتي وش اللي سار=انا مثل الجبل ما هده القهران باعناده
سعد بن رمضان=
مجرد مزح ودعابه ومنك اتلمس الاعذار = ولكن ما يجوز احضر بلا سيفا ولا قلاده
انا البحر الغزير اللي يهيج ويبلع البحار = ولو كنا تفاهمنا وكبينا التهباده
صقر بجيله=
انا باخذ معك صوره تبي تقعد لنا تذكار =وسوق الكندره علمه مع اصحابه ومرتاده
وانا نو السماء لا ساق بالامطار يطفي النار=يخلي اللي حوال النار يمسي في تصرفاده
سعد بن رمضان=
وفي لكن اسود البر ما تقعد مع الانمار=وديره ما عرفناها لهلها نسير نشاده
انا البركان من شدة لهيبه ذابت الاحجار=وصمًات الصخور تضل في مبداه منقاده
اقتباس:
المشاركة الأصلية كتبت بواسطة سيف العز
صقر بجيله=
الا يا بو علي لا نعتقب في وزنة القنطار= كثير الناس شماته كثير الناس نقّاده
انا ماني من اللي يعشقون الرقص والمزمار=ولا انا من عرب ليلى ولا انا من عرب غاده
|
سعد بن رمضان=
الا يا سيف لا تجمع لي الطبله مع القيثار= تسببت بنزول المستوى من بعد شيّاده
انا من عادتي من يوم عشت اتجنب الثرثار=وعلم الطيب فينا والشجاعه والكرم عاده
صقر بجيله=
الا يا بو علي ما فرّقتنا وجهة الانظار = لكن اقرب لنا الشاهي بفنجانه وبراده
عويذ الله من علّه تغط الشوف والابصار=عويذ الله من جمعًا تغنى فيه حساده
سعد بن رمضان=
انا يا سيف لو تدري محلي فوق نجم الثار = ولا هي من وضايفنا ولا هي شي نرتاده
لكن ابشر تفضل واسترح يا مرحبا مليار =ابزهم لك عويذر واهتري في زل ووساده
صقر بجيله=
اشوفك يا طويل العمر مثل النور والبتار = تزيح الظلمه الغدراء وخصمك تظمي اكباده
وانا ماني بتايه عنك يا الصاحب ولا محتار=قصدتك والذي يقصدك يبلغ قمة اقصاده
سعد بن رمضان=
انا يا سيف ودي نختتمها بافضل الاذكار = ولو ان الذي مثلك يشوق الشعر وانشاده
وصلى الله على سيد الانام الهادي المختار= عدد ما خيل الناوي وزلهم فيه رعاده