[عايض ابوشيبه]

رحمة الله على من وحدك يابلادي=لين جالك على البلدان رفعه وشان
لين عم الفرح والخير والأمن سادي=وانجلت غيمة الأحزان والنور بان
من بعد ماارتفع بالحق صوت المنادي=رفرفت راية التوحيد بأطهر مكان
رحمة الله على عبدالعزيز القيادي =وحد الدار واخرجها لبر الأمان
سجل انجاز بالتاريخ ماهوب عادي=مايقارن بغيره لو يطول الزمان
وابطل الله على مسعاه كيد الأعادي=وامتلك في قلوب الناس قدر ومكان
وانحنا له سنام المجد بعد اجتهادي=منهو اللي قدر غيره يوحد كيان
واودع الدار من بعده طيور الهدادي= بعد مازال همه والضمير استكان
رحمة الله على عبدالعزيز القيادي =وحد الدار واخرجها لبر الأمان