[فاهم النظرة]

اعزائي اعضاء ومتصفحي منتدانا العزيز اضع بين ايديكم هذه القصيده المهداه من الشاعر:مفرح سيف السبيعي الى الشيخ: ناصر بن عبد الرحمن بن جروه السبيعي

بمناسبة زواج ابنه عبد الرحمن يوم 7/10/1431 هـ

في حفلة الي جعل ربي يحفظه من كل عوق === حفيد من سادوا على البـيـداء وداسوا شوكها

حظرت والافكار تسموا بالمعاني فوق فوق === وانا ركبت اشداد ريـمه ماركـبت اوروكـها

لادرهمت يصعب على الخيال يعطيها اللحوق === بعد مافكيت الرسـن من راسـها واحـنوكـها

ونحرتها الي كسبهم ماهوب يجلب كل سوق === محفوظ داخل صفحة التاريخ وسط اصكوكها

والـطـيـبه لاسـقـتـها للـطـيبين اتـصـير طـوق === بعناقـهم يصعب علـى زحل الرجال افكوكها

يـاالابـه الـي طـبـعهـا تجـهر ولايـمـكن تـبـوق === قـبـل الـجـزيره تـامن وتنـعم ابحكم املوكها

الي ثنوا دون الغروس الهـدب يانعـة الـعذوق === يوم العدا طمعت تبي مـ الـتمر تملا جكوكها

ومبروك ياناصر زواج ابنك وجيت بكل شوق === امـن الـحرير يـشدني يمـك خفيف اسلوكها

لانك يابن صامل بفعل الطيب معروف وسبوق === والايام فـيها مـباركه واللـيـل ذا مـبروكها

وزهران زهران الفخر آلهم على الغلبا حـقـوق === مـحلحلة صعب الـعقد لاعـقدت بـشـروكها

وافـين فـي وقـت الوفا صعبين في كل الطروق === يـاطـيبها طيـباه مـن لابه وطيب اسلوكها

افعـالهم تـشبه لضوء الـشمس في وقت الشروق === لو دارت الايـام والـدنـيا مـابين افـلــوكـها

وخـتامها صلو على محمد عدد ضوح البروق === والايـام فـيـها مـباركه والليـل ذا مـبروكها

اخوكم:مفرح سيف الملحي السبيعي (فاهم النظره)