[سمح آلمحيآ]

يــادار لاتـشـكـيـن كـثــر الـنكـــــازي=اشكي عـلى الـوالـي مـن اهـل النمـيمه
واهـل الحسد والبغض والابــتــزازي= وقـطـاعـت الارحـام واهــل الـجـــريمه

واهـل الـنـوايـا الــهينه والـمـــوازي=واهـل الـجـهـل واهـل الـعـقول السقيمه

اللي على الحسـنات شبـوا بــقــازي=ويـجـاهـرون ويـحـسـبـونـه غـنــــــيمه
حـدوك يـادار الـرخـا للــــعــــــوازي=وذنـوبـهـم صـارت عـلـيـنـا عــمــــيمه
عقب الرخا فالماء وطـرد الجــوازي =مــات الـشـمـع كـلـه ولـحـقـه هشــيمه
وعقب الثمايل من سيول الحجــازي =وفـي كـل عـصـر يـنـشي الـله بغــــيمه
صـار الـحفر بالونـش والارتـــوازي =وتـرجـع ضـوامـيـنـا بـعـدهـا مـحـــيمه
ميـر اطـلب الـله يـالـحقك برتكــازي = وحـظـن يـقـوم وتـغـنـمـيـن الـغـنـــيمه
وابكي على اهلك مبعديـن المغــازي = عـلـى الـكـحـيـلـه والـنـعـامــه وريـــمه
اهـل العــقــول الـراسـيه مـاتـــرازي =واهـل الـقـلـوب الـطـيـبـات الـرحـــيمه
واهـل النفـوس الطـيبات الـعـــزازي= الـلـي لـهـم فـي مـاضي الوقت قــــيمه
الاد الاجــرب كـاسـبـيـن الـنجـــازي = الـلـي حـمـوا جـالـك سـنـيـنـن قــــديمه
قـبـيـلـتـن مـن عــصـرها ماتهــازي = مـن هـازها يـلـقـا الـعـواقــب وخــــيمه
اهـل الرماح العلـط فالجــوف تـازي =وشـلـفـن يـقـصـن الـعـضـا والـلـحــيمه
ورصاص يغد الروس مثل القزازي= الـلـي مـن الـطـقــه تــزايــد حــطــــيمه
والـجـار يـفـخـر بـيـنـهم باعـتزازي = يـلـقـى الـيـديــن الــنـاديـــات الـكــريمه
يـنـزل عـلـى روس الـعدا والنوازي =مـن بـيـنـهـم يـامـن ولـحــدن يـضــيمه
وفـي كـل مـوقف ياخـذون امتيازي=وفـعـولـهـم بـيـــن الـقـــبـايــل عـــديمه
مـن لابـت الـغلـبـا بـلـيـا انـحـيـازي =مــاهــي بـفـخــذ فـالـقــبــــايــل يـتــيمه
لاقـالـوا الـسـبـعـان صـار اهتزازي = لـخـصـامـهــم واهــل الـنـوايــا الـلـئيمه
واشـرافـنـا لـلـقـوم مـثـل النحـازي=لاجــت مــن الــنـايــد تــبـن الــحــشيمه
وكـل الـقـبـايـل يـكسرون الرزازي=مـايـقــبـلون الــمــهـــزلـــه والـضـلـيمه

صح السااااااااانك

تسلم ولاهنت